Mark 13:13 - Vengo (Babungo)

¹³ Gə fɨ maa viŋ, vɨɨ vənshə ndɔ bee viŋ buꞌ mə. Luu nə, wə ntɨə faŋ ŋwə kà fwi yi zìꞌ tɨ́ vəndwə və vənu vɔ́, ndɔ zɨ məbwey vəlwaŋ.»

Mark 13:13 ပူးပေါင်းရင်းမြစ်များ

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Matiu 24:13

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Matiu 24:9

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ.

Mark 13:12

Maa yighee yɔ́, wə ndɔ kɨ fiŋ weenshu wi tɨ́ yiku; tɨɨ wee fiŋ ŋwiŋ wi nɨzi; vaŋnə ndɔ maa vətɨɨ vəvəŋ, fìŋ vəŋ tɨ́ yiku.

Lukas 21:17

Vɨɨ vənshə ndɔ bee viŋ buꞌ mə.

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:14

Mə nə nàysə yigisə yə tɨ́ vɨɨ vaŋ vɔ́. Nɨniŋ, mbi nə bee vəŋ, buꞌ faŋ vəŋ kee lùu vaŋ fɨ taa mbi nyə̀ me, sheꞌ yaa nshɨ-tɔ ŋwaa kee lùu wee mbi nyə̀ me.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Galatia 6:9

Nɨniŋ, bàw nsiŋ kɨ yɨ vənu vəjəəvə ghee nshə, kee bwa me. Nsiŋ kɨ luu kee bə̀ŋ nə yiba me, buu nsiŋ ndɔ ye ŋkee nu jəə ŋkɨə faŋ ŋkə fuu fɨ maa faꞌ ŋwaa-nsiŋ ghɔ́ maa yighee njyə faŋ Nwi tə̀.

Hibru 10:39

Gə fɨ maa nsiŋ, nsiŋ kee lùu kəŋ vɨɨ vɔ́ faŋ vəŋ taa bəŋ suꞌtə ghuu vəŋ nə, kɨ nii yindi me. Nsiŋ bee kɨ kii biŋ nu Kristo, buu ndɔ zɨ məbwey vəlwaŋ.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Jɔn 3:13

Nɨniŋ, vaŋ-nshwi vaŋ, kɨ yishuu yiŋ yɔŋ buꞌ faŋ mbi bee viŋ me.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.