Mark 13:11 - Vengo (Babungo)

¹¹ Yighee njyə faŋ vɨ ndɔ kɨ jiatə viŋ, gə nə viŋ taa ŋii məshia nsɔꞌ, kɨ viŋ kɨ bɨꞌtə laa viŋ taa gi laa kə me. Viŋ gi sheꞌ nu ŋkɨə faŋ Nwi ndɔ kɔ tɨ́ viŋ maa yighee yɔ́, buꞌ laa kee ndɔ kɨ gisə viŋ me, ndɔ kɨ gisə Zwitə Nwi fɨ shuu viŋ.

Mark 13:11 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Mark 13:12

Maa yighee yɔ́, wə ndɔ kɨ fiŋ weenshu wi tɨ́ yiku; tɨɨ wee fiŋ ŋwiŋ wi nɨzi; vaŋnə ndɔ maa vətɨɨ vəvəŋ, fìŋ vəŋ tɨ́ yiku.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Akts 6:10

Luu nə, Zwitə Ley Nwi kɔ wutə nə yitɔfə tɨ́ Stefen, ŋwə gi, vəŋ kee kɨ̀ɨ nə nu bəŋsə tɨ́ ŋwə me.

Akts 6:15

Vɨɨ məshia nsɔꞌ vənshə shaꞌsə sɨ vəŋ, ndèynə Stefen, ye laa yikəꞌ yi lùu yaa yikəꞌ nshiiŋii Nwi.

Akts 7:55

Luu nə, Zwitə Ley Nwi lwaŋ taa fwi Stefen, ŋwə ndeynə yizɔ, yè yikwalə Nwi nə Yeso, faŋ ŋwə tɨŋ maa kwiŋ maꞌnə Nwi.

1 Kɔrintian 2:13

Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.