Mark 12:29 - Vengo (Babungo)

²⁹ Yeso bəŋsə tɨ́ ŋwə laa, «Njyə vɨsɨ lùu laa, «Viŋ zɔ mɔɔ, vɨɨ Isirayl, tɨta Nwi lùu Nwi ŋwaa-nsiŋ. Luu sheꞌ ŋwə lùu Nwi.

Mark 12:29 ပူးပေါင်းရင်းမြစ်များ

Matiu 10:37

Wə ntɨə faŋ ŋwə kàw tii wi, tɨꞌnə me nshu wi, shɔ̀ɔ mə, kee kùꞌnə shee me. Wə faŋ ŋwə kàw ŋwiŋ wi wəndɔŋ, tɨꞌnə me wəzwi, shɔ̀ɔ mə, kee kùꞌnə shee me.

Matiu 23:9

Kɨ viŋ tii wə mɔ́ꞌ nə tii wiŋ fɨ shɨ nsi nyə̀ me, buꞌ laa tii wiŋ lùu Nwi faŋ ŋwə lùu yizɔ.

Lukas 10:27

Wə ghɔ́ bəŋsə laa, «Vɨ nyɔ̀ꞌ shɔ laa, Kɨ kaw Mɔꞌmbi, Nwi wə, nə fwi yə yinshə, baa nə ŋwaa wə nshə, nə wutə kə kənshə, nə vənu vənshə faŋ a bɨꞌtə, baa nə laa a kɨ kaw wənjɨɨ wə yaa nshɨ-tɔ wə.»

Roma 3:30

Lùu nɨniŋ buꞌ laa Nwi luu sheꞌ muꞌ, yɨsə vənu və vɨɨ Jus faŋ vɨ sɨ̀ɨtə vəŋ nə, kiasə lòomə, faŋ vəŋ nùŋ fwisə vəŋ maa Kristo. Ŋwə baa yɨsə vənu və vɨɨ tətɔŋ fu faŋ vɨ kee sɨ̀ɨtə vəŋ nə me, kiasə lòomə nɨzi, buꞌ faŋ vəŋ nùŋ fwisə vəŋ maa ŋwə.

1 Kɔrintian 8:4

Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

Galatia 3:20

Kɨ luu wə luu shɔ faŋ ŋwə tɨ̀ŋnə nɨntəŋ, buu ŋkə də̀ laa ŋwə tɨ̀ŋ maa yizii vɨɨ vəbɔɔ. Luu nə, gə fɨ maa ŋkɔꞌnə njyə faŋ Nwi kɔ̀ꞌnə tɨ́ Abraham nə, luu sheꞌ Nwi nɨnɔŋ, faŋ ŋkɔꞌnə yɔ́ ndɔ̀ fɨ ghɔ ŋwə nə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

Jeyms 2:19

A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.