Mark 12:24 - Vengo (Babungo)

²⁴ Yeso gi tɨ́ vəŋ laa, «Maa viŋ gù maa nu kɔ́, buꞌ laa viŋ kee kɨ̀ɨ nə ŋwaꞌlə Nwi nə wutə Nwi me.

Mark 12:24 ပူးပေါင်းရင်းမြစ်များ

Matiu 22:29

Yeso bəŋsə tɨ́ vəŋ laa, «Viŋ gù, buꞌ laa viŋ kee kɨ̀ɨ nə ŋwaꞌlə Nwi me, tɨꞌnə me wutə Nwi me.

Mark 10:27

Yeso ndeynə vəŋ, gì laa, «Tɨ́ vɨɨ ŋkə lùu kəweꞌ, kee luu tɨ́ Nwi me, buꞌ laa tɨ́ Nwi vənu vənshə lùu vəyaysə.»

Mark 12:23

Nɨniŋ, maa yighee məywey fɨ shɨ yiku, wəzwi ghɔ́ ndɔ lùu ŋgwə ndə, yuu vəŋ kwatia nə ndàa ŋwə nə?»

Mark 12:25

Yighee njyə faŋ vɨɨ ndɔ ywey fɨ shɨ yiku, vəŋ ndɔ luu sheꞌ yaa nshiisə-ŋiisə Nwi; wəndɔŋ kee baa ndàa wəzwi me, wəzwi kee baa ndàa wəndɔŋ me.

Lukas 1:37

A kɔꞌ kɨɨ laa tuu nu kəmuꞌ kee ghɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:9

Jwi kɔ tɨ́ shi kɔ́, vəŋ nə kee ta kɨ̀ɨ nə ŋiꞌ yigi njyə faŋ vɨ nə nyɔ̀ꞌ taa ŋwaꞌlə Nwi laa, wuu məbweysə vɨɨ Nwi ndɔ ku, baa ywey fɨ shɨ yiku me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Roma 15:4

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

Efesɔs 1:19

Bàw viŋ kɨɨ nɨzi faŋ ŋwə wèꞌ shɔ̀ɔ ki. Ŋwə faꞌ taa ŋwaa nsiŋ, vɨɨ məbiŋ vi, ŋkee nə wutə ki kəkwalə.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.