Mark 12:14 - Vengo (Babungo)

¹⁴ Vəŋ jwi, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ, kee shəŋ maa mbɨꞌtə wə me, kee bee fee yikwalə wə me. A deesə sheꞌ nu Nwi yinsəŋ. Nɨniŋ, yia kəə bitə nu tɨ́ ghɔ laa, ŋkə kùꞌnə laa vɨ kɨ mɔꞌ tasə tɨ́ fwàŋ Kaysa mu, mu bey?»

Mark 12:14 ပူးပေါင်းရင်းမြစ်များ

Matiu 22:16

Vəŋ tɔŋ vɨɨ məzwetə nu vəŋ ghɔ vɨ vɨɨ məbiŋ nu fwàŋ Herod tɨ́ Yeso. Vɨɨ vɔ́ gə yè Yeso, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ faŋ ŋwə deesə jɨɨ Nwi yinsəŋ, kee fee wə me, buꞌ laa a kee lùu wuu fəntɔ-fə-yisɨ me.

Matiu 22:17

Yia kəə bitə nu tɨ́ ghɔ. Naysə tɨ́ yia, a bɨꞌtə laa ŋkə kùꞌnə maa məmɔꞌ tasə tɨ́ fwàŋ kwalə Kaysa mu?»

Mark 12:13

Nə luu maa yighee yɔ́, vɨ tɔŋ vɨɨ mɔ́ꞌ fɨ taa nwaa vɨɨ Farisii, nə vɨɨ mɔ́ꞌ fɨ taa nwaa vɨɨ məbiŋ nu fwàŋ Herod, tɨ́ Yeso laa vəŋ kɔꞌsə ŋwə maa yigisə yi.

Mark 12:15

Yeso zɔ yigi yɔ́, kɨɨ nə mənay vəŋ, gì tɨ́ vəŋ laa, «Viŋ mɔŋ mə tɨ́ kə? Viŋ jwi nə ka, də̀ shee!»

Mark 14:45

Ŋwə ziꞌ yifi, yasə gə̀ yɨ Yeso, gì laa, «Tɨta ŋwaa», kɨ nii nyɔ̀ŋ fəə ghi.

Lukas 20:22

Naysə tɨ́ yia laa ŋkə kùꞌnə laa vɨ kɨ mɔꞌ tasə tɨ́ fwàŋ kwalə Kaysa mu, mu bey?»

Lukas 23:2

Vəŋ ziꞌ yifi, tey kɨ gisə vənu tɔ ŋwə, gi laa, «Yia nə ye faŋ wə ŋwə̀ nəə buulə shɨ, twey laa kɨ vɨ kɨ mɔꞌ tasə tɨ́ fwàŋ kwalə ŋwaa-nsiŋ me, baa gisə laa yi lùu wuu məbweysə shɨ kia, baa luu fwàŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:18

Wə ntɨə faŋ ŋwə gisə fɨ taa ŋkɨɨ ŋwə, kəə yizii yikwalə maa nshɨ-tɔ wi. Luu nə, wə ntɨə faŋ ŋwə kəə yikwalə wə ntɨə faŋ ŋwə nə tɔ̀ŋ ŋwə, lùu wuu yinsəŋ, kee lùu wuu məbweꞌsə vɨɨ me.

Roma 13:6

Maa lùu ŋiꞌ nu ŋkɨə faŋ viŋ ndɔꞌ tasə shɔ, buꞌ laa vɨɨ məsɔꞌ shɨ faꞌ tɨ́ Nwi, faꞌ vəfaꞌ vəvəŋ vɔ́ ghee nshə.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 2:2

Mə kɨ luu yɨsə viŋ nə luŋ, buu taa yɨ ndə mə kɨ ŋaytə? Lùu viŋ maa məyɨsə. Nɨniŋ, sii kaꞌ viŋ yɨ kɨkə, faŋ mə yɨ̀ laa viŋ kɨ luŋ?

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

2 Kɔrintian 5:16

Shù fɨ ndwə yia kee baa kɨ̀ɨ nə wə fɨ maa mbɨꞌtə wə mənsaw me. Yia nə baa kɨ̀ɨ nə Kristo fɨ maa mbɨꞌtə wə mənsaw maa yighee vɨsɨ. Luu nə, yia kee baa kɨ̀ɨ nə ŋwə maa jɨɨ yɔ́ ndwə me.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Galatia 2:6

Gə fɨ maa vɨɨ mbɨə faŋ vɨ nə ndi vəŋ maa vɨɨ faŋ vəŋ lùu tɔ, vəŋ nə kee gì laa nu mɔ́ꞌ lùu shɔ, mə baa yɨ me. Luu nə, vɨɨ vɔ́ nə kɔlə lùu vɨɨ kwalə nə, mə kee shə̀ŋ shɔ me, buꞌ laa vɨɨ vənshə luu nɨndɨŋ vɨsɨ Nwi.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.