Mark 11:25 - Vengo (Babungo)

²⁵ Nɨniŋ, yighee tɨ̀ me yighee faŋ viŋ tɨ̀ŋnə maa məshɔꞌtə Nwi, viŋ bɨ ndènə yibɨsə vɨɨ maa viŋ ŋkəə, tɨ́ kɨ kaꞌ Tii wiŋ faŋ ŋwə lùu yizɔ, ndènə yibɨsə yiŋ nɨzi.

Mark 11:25 ပူးပေါင်းရင်းမြစ်များ

Matiu 5:23

Yighee njyə faŋ a jwì nə fa maa məkɔ Nwi shɔ, a kɨ ziꞌ yɨ shəŋ məkɔ Nwi, lumə laa a nə gù nu maa weenshu wə,

Matiu 6:12

Ndenə yibɨsə yia, faŋ yia ndènə yibɨsə vɨɨ nə.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Lukas 18:11

Wuu Farisii ghɔ́ gə koꞌ yàanə yizɔ, shɔꞌtə Nwi maa nshɨ-tɔ wi laa, «Nwi ŋwaa, mə bwaŋ ghɔ, buꞌ laa mə kee lùu yaa vɨɨ mɔ́ꞌ me. Mə kee lùu yaa vəndɔꞌ, nə vɨɨ məyɨ vənu və mbuulə, nə vɨɨ mətii vəki me, tɨꞌnə me yaa wuu məsa vətɔ ŋwə̀ me.

Lukas 18:13

Gə fɨ maa wuu məsa vətɔ ghɔ́, ŋwə jwi tɨŋ ŋkee ntaŋ, kee bee jìa fwi maa məŋaꞌsə yisɨ yi, ndeynə yizɔ me, buꞌ fwi yi, shɔꞌtə Nwi laa, «Nwi, kee gəŋ saŋ, mə lùu wuu bwə!»

Lukas 6:37

«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Kɔlɔsii 3:13

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.

Jeyms 2:13

Nwi ndɔ kee kee gəŋsə wə ntɨə faŋ ŋwə kee yaa kɨ kee gəŋsə vɨɨ me. Luu nə, wuu məkee gəŋsə ndɔ ye laa gəŋsə Nwi kwalə shɔ̀ɔ nsɔꞌ Nwi.

Reveleyshən 11:4

Vɨɨ məfɨꞌtə nu kaŋ vɔ́ vəbɔɔ nə, lùu yaa vətɨ və məŋgwə vəbɔɔ, nə təkiꞌ təbɔɔ faŋ ntə tɨ̀ŋ vɨsɨ Tɨɨ-mbi.