Mark 10:43 - Vengo (Babungo)

⁴³ Kɨ ŋkə lùu nɨniŋ taa ŋwaa viŋ me! Wə ntɨə faŋ ŋwə kəə lùu wuu kwalə taa ŋwaa viŋ, bàw ŋwə lùu wuu faꞌ wiŋ.

Mark 10:43 ပူးပေါင်းရင်းမြစ်များ

Mark 10:42

Yeso ye nɨniŋ, tii vɨɨ məzwetə nu ki yɨ ŋwə, gì tɨ́ vəŋ laa, «Maa viŋ kɨɨ laa vɨɨ mbɨə faŋ vəŋ dùꞌ laa vəŋ sɔꞌ məshɨ, yaa kɨ bwasə vɨɨ nsi; vɨɨ kwalə taa məshɨ yaa kɨ yɨnə vɨɨ.

Mark 10:44

Wə ntɨə faŋ ŋwə kəə lùu vɨsɨ tɨ́ viŋ, bàw ŋwə luu buꞌ tɨ́ viŋ vənshə,

Mark 9:35

Yeso duꞌnə nsi, tìi vɨɨ məzwetə nu ki njɔsə-bɔɔ, gì tɨ́ vəŋ laa, «Kɨ ghaŋ wə kəə lùu vɨsɨ, ŋwə kɨ tɨŋnə yiba, faꞌ tɨ́ vɨɨ vənshə.»

Lukas 14:11

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 18:14

Mə naysə tɨ́ viŋ laa wuu məsa vətɔ ghɔ́ nə siꞌ gə̀ taa ŋii ŋwə, vənu vi loomə vɨsɨ Nwi. Nu wuu Farisii kee lòomə me. Lùu nɨniŋ buꞌ laa wə tɨ̀ me wə faŋ ŋwə koꞌsə ŋwaa wi yizɔ, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ ndɔ koꞌsə ŋwə yizɔ.»

Lukas 22:26

Kɨ ŋkə kee lùu nɨniŋ taa ŋwaa viŋ me. Bàw ŋkee wuu kwalə fɨ taa ŋwaa viŋ luu yaa ŋkee weembwa. Nshɔɔ vɨsɨ lùu yaa wuu faꞌ.

Lukas 9:48

gì tɨ́ vəŋ laa, «Wə ntɨə faŋ ŋwə ndì wee ŋwə̀, kɨ gaŋtə maa yizii nyaa, buu ŋwə gàŋtə luu mə. Wə ntɨə faŋ ŋwə gàŋtə mə, gàŋtə wə ntɨə faŋ ŋwə nə tɔ̀ŋ mə nə. Wə faŋ luu ŋkee wuu tɨtiꞌ fɨ taa ŋwaa viŋ, buu lùu wuu kwalə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:36

Yeso bəŋsə tɨ́ ŋwə laa, «Nu yifwàŋ kaŋ kee lùu nu shɨ nsi kə̀ me. Nii toꞌ lùu laa nu yifwàŋ kaŋ lùu nu shɨ nsi kə̀, buu vɨɨ vaŋ nywenə maa nu yifwàŋ kaŋ, tɨ́ kaꞌ vəŋ tɨ̀ꞌtə vɨɨ Jus fɨ vəŋ kɔŋ mə. Luu nə, nu yifwàŋ kaŋ kee lùu nu fɨ feenə me.»

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.