Mark 10:40 - Vengo (Babungo)

⁴⁰ Gə fɨ maa nu məduꞌ maa kwiŋ maꞌnə ŋwaa nə maa kwiŋ ŋkwii, ŋkə kee lùu nu faŋ bìŋ mə me; ŋkə ndɔ luu tɨ́ vɨɨ mbɨə faŋ Nwi lòotə tɨ́ vəŋ.»

Mark 10:40 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 20:23

Ŋwə gi tɨ́ vəŋ laa, «Viŋ ndɔ nu ndaw ŋɨꞌ yɔ́. Luu nə, nu maa məduꞌ maa kwiŋ maꞌnə maa, tɨꞌnə me maa kwiŋ ŋkwii, kee lùu nu kaŋ maa məkɔ tɨ́ wə me, ndɔ kɔ sheꞌ Tii ŋwaa tɨ́ vɨɨ mbɨə faŋ ŋwə nə nùŋsə tɨ́ vəŋ.»

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Akts 1:7

Ŋwə gi tɨ́ vəŋ laa, «Kee lùu nu kiŋ maa məkɨɨ nə yighee yɔ́, nə yighee vənu vəmɔ́ꞌ me, buꞌ laa nùŋ Tɨta Nwi nùŋ vənu vənshə maa wutə ki.

Hibru 11:16

Luu nə, vəŋ nəə kəə shəŋ kəmɔ́ꞌ faŋ ŋkə lùu kəjəə shɔ̀ɔ shɨ vəŋ. Luu shəŋ ŋkɨə faŋ ŋkə lùu yɨ Nwi yizɔ. Nɨniŋ, tɔ Nwi kee dɨdɨɨ me, faŋ vəŋ tìi Nwi nə tɨɨ vəŋ, buꞌ laa Nwi duꞌtə Nwi naysə shəŋ tɨ́ vəŋ.