Mark 10:33 - Vengo (Babungo)

³³ Ŋwə nə gì laa lee, «Viŋ zɔ! Nsiŋ koꞌ gə̀ Jerusalem, vɨ taa jia Wuu yinsəŋ Nwi, kɔ̀ tɨ́ vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ sɔꞌ ŋwə, shìa laa vɨ zwi ŋwə, kɔ ŋwə tɨ́ vɨɨ tətɔŋ fu.

Mark 10:33 ပူးပေါင်းရင်းမြစ်များ

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 26:66

Viŋ gi ŋkiŋ laa kə?» Vəŋ bəŋsə laa vɨ zwi ŋwə,

Matiu 27:2

Vəŋ ka ŋwə, ndì ŋwə, tɔ̀ŋ ŋwə tɨ́ goməna Pilate.

Mark 14:64

Maa viŋ zɔ̀ faŋ ŋwə ndà Nwi! Mbɨꞌtə yiŋ lùu laa kə?» Vəŋ vənshə shia laa vɨ zwi ŋwə, ŋwə ku.

Mark 15:1

Fu kɨ lee ŋkee taa nshia-ndoo-mbisɨ, vɨɨ kwalə məfeꞌ Nwi nə vɨɨ taa fɨ taa ŋii Nwi nə vɨɨ mədeesə ŋwaꞌlə Nwi, ghɔ vɨ vɨɨ məshia nsɔꞌ vənshə, faynə shəŋ muꞌ, kà nu kɔ́, kɨ nii kà Yeso, gə̀ nə ŋwə, gə̀ kɔ̀ tɨ́ goməna Pilate maa nsɔꞌ.

Mark 8:31

Yeso kɨ nii tey kɨ deesə vɨɨ məzwetə nu ki laa Wuu yinsəŋ Nwi ndɔ ghaa ye ŋɨꞌ yiyaŋ. Vɨɨ ndɔ twey ŋwə, zwì ŋwə. Ŋkee vɨɨ taa fɨ taa ŋii Nwi ghɔ vɨ vɨɨ kwalə məfeꞌ Nwi nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Luu nə, vəshi kɨ shɔɔ vətia, ŋwə baa ywèy fɨ shɨ yiku.

Mark 9:12

Ŋwə bəŋsə tɨ́ vəŋ laa, «Ɔŋ, vɨɨ vɔ́ gì yinsəŋ laa Elias jwi ŋkəə, lòotə vənu vənshə, mbə neꞌtə. Lùu nɨniŋ. Gə fɨ maa wuu məbweysə ghɔ́, vɨ nyɔ̀ꞌ kə taa ŋwaꞌlə Nwi buꞌ Wuu yinsəŋ Nwi? Maa vɨ nyɔ̀ꞌ laa ŋwə ndɔ ghaa ye ŋɨꞌ yiyaŋ, vɨɨ shia ŋwə.

Mark 9:31

buꞌ laa ŋwə nəə deesə vɨɨ məzwetə nu ki, gì tɨ́ vəŋ laa, «Vɨ ndɔ kɔ Wuu yinsəŋ Nwi tɨ́ vɨɨ, vəŋ zwi ŋwə. Luu nə, vəshi kɨ shɔɔ vətia, ŋwə ywey.»

Lukas 23:21

Luu nə, vəŋ kɨ yɨyumə nəŋay laa vɨ bey Yeso fuu fəŋkɔꞌ fə ŋkɨꞌsə.

Lukas 9:22

baa gì tɨ́ vəŋ laa, «Viŋ kɔꞌ kɨɨ laa nu Wuu yinsəŋ Nwi lùu laa ŋwə ndɔ ye ŋɨꞌ yiyaŋ. Vəshɨꞌ vaŋ-nsiŋ nə vɨɨ kwalə məfeꞌ Nwi, nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Vəshi kɨ shɔ̀ɔ vətia, ŋwə ywey fɨ shɨ yiku.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28

Kɨ luu ŋkee taa wee-leefu, vɨ fuusə Yeso fɨ fu Kayafas, gə̀ nə ŋwə fu goməna. Luu nə, vɨɨ Jus vɔ́ kee ŋìi taa ŋii nsɔꞌsə me, buꞌ laa goməna nə kee lùu wuu Jus me. Nuŋsə vəŋ nə luu laa wə kɨ luu ŋìi taa ŋii wə faŋ kee luu wuu Jus me, buu ŋwə kee baa lùu wuu ley me. Kaꞌ ŋwə kee baa zɨ fazɨ Pasa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:32

Ŋkə nə gày nɨniŋ, laa Yeso ku yiku maa jɨɨ njyə faŋ ŋwə nə duꞌtə ŋwə naysə tɨ́ vɨɨ laa yi ndɔ ku nyə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 20:22

Nɨniŋ, viŋ ye mə nə, Zwitə Nwi shəŋ mə laa mə gə Jerusalem, faŋ mə kee kɨ̀ɨ nə nu ŋkɨə faŋ ŋkə taa gay maa mə shɔ me.

Jeyms 5:6

Viŋ sɔꞌ vɨɨ mbɨə faŋ vəŋ kee yɨ nu bwə me, baa zwilə vəŋ. Vəŋ kee kìi shuu, bə̀ŋsə nu tɨ́ viŋ me.