Mark 10:32 - Vengo (Babungo)

³² Yeso ghɔ vɨɨ məzwetə nu ki kii toꞌ fuu jɨɨ, gə̀ ntɨꞌ Jerusalem, Yeso gə fɨ vɨsɨ vəŋ. Nɨniŋ, shuu vəŋ yɔŋ laa ŋwə gə shɔ, kee fɨfee me. Vɨɨ mbɨə faŋ vəŋ nəə beꞌsə ŋwə nə, fee. Ŋwə ndi vɨɨ məzwetə nu ki njɔsə-bɔɔ nə, sùꞌtə ghɔ vəŋ, baa tey kɨ naysə nu ŋkɨə faŋ ŋkə taa gay maa ŋwə tɨ́ vəŋ.

Mark 10:32 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Mark 1:27

Shuu vɨɨ vənshə yɔŋ. Vəŋ bitə sheꞌ vəŋ vəŋ laa, «Lùu kə nə? Lùu ntɔ mədeesə yifi yikə nee? - Ŋwə sɔ̀ꞌ ŋkee vəzwitə vəbwəvə nə wutə, mbə zɔnə ŋwə.»

Mark 4:34

Ŋwə nəə gisə tɨ́ vəŋ sheꞌ maa ghaŋ tii, kɨ gə̀ yiba maa vɨɨ məzwetə nu ki, twèlə tɨ́ vəŋ.

Lukas 10:23

Ŋwə nə gì nɨniŋ, kìasə gə̀ maa vɨɨ məzwetə nu ki, gì tɨ́ vəŋ sheꞌ vəŋ vəŋ laa, «Mənɔŋ-bwaŋnə lùu tɔ wə ntɨə faŋ ŋwə yè nu ŋkɨə faŋ viŋ ye nə.

Lukas 19:28

Faŋ Yeso nə gi nɨniŋ, shɔ̀ɔ kɨ gə nə vɨsɨ, koꞌ gə Jerusalem.

Lukas 9:51

Yighee njyə faŋ Nwi nəə kəə ndì Yeso, koꞌsə ŋwə yizɔ, nə luu nshənə, Yeso tə sɨ maa məgə ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:16

Tɔmas faŋ vɨ tii ŋwə nə Siꞌye nə, gi tɨ́ vəliŋ vi laa, «Viŋ kɨ nshɔ, nsiŋ vɨ vəŋ gə mɔ́ꞌ, tɨ́ la nsiŋ vɨ vəŋ kukə mɔ́ꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:8

Vɨɨ məzwetə nu ki gi tɨ́ ŋwə laa, «Ebee tɨta, sheꞌ ndwə faŋ vɨɨ Jus kəə tumə ghɔ nə ŋoꞌsə zwi, a kəə bəŋ gə kwiŋ yɔ́ lee?»