Mark 10:30 - Vengo (Babungo)

³⁰ buu ŋwə ndɔ ye ndɔꞌ nə vaŋ-nshwi vi vəndɔŋ nə mbə vəki, nə vənshu vi nə vaŋ vi vəyaŋ, nə ndɨɨ si səyaŋ maa yighee mbi nyə̀ ndwə, ŋkee maa yighee ŋɨꞌ, ndɔ baa kii məbwey vəlwaŋ fɨ yighee yiba.

Mark 10:30 ပူးပေါင်းရင်းမြစ်များ

Matiu 12:32

Kɨ luu wə gi nu bwə tɔ Wuu yinsəŋ Nwi, buu Nwi taa ndenə nu kɔ́. Luu nə, wə kɨ luu gì nu bwə tɔ Zwitə Ley Nwi, buu kaꞌ Nwi kee ndènə nu kɔ́ maa ŋuꞌsə mbi sə̀ me, kee bee ndɔ ndenə maa ŋuꞌsə mbi nsɨə faŋ nsə ndɔ jwi nə me.

Matiu 13:8

Say mɔ́ꞌ fiŋkə taa nsi yijəə, sɔꞌ, mbuu yisay kii sɨ say waaghɨꞌ, ghɨ-mɔ́ꞌ muu-ntɔfə, ghɨ-mɔ́ꞌ muu-ntia.»

Matiu 6:33

Nɨniŋ, viŋ bɨ tə̀ sɨ maa nu yifwàŋ yizɔ, baa nə laa viŋ ndɔ luu vəloomə sɨ ŋwə, buu ŋwə kɨ kuꞌsə vətɔ vɔ́ tɨ́ viŋ nɨzi.

Lukas 18:30

buu ŋwə ndɔ baa ye vətɔ vi vɔ́ vəyaŋ ŋkee maa yighee shɨ nsi nyə̀, ndɔ baa zɨ məbwey vəlwaŋ faŋ ŋwə gòꞌsə yighee muꞌ, maa yighee mbi njyə faŋ nyə ndɔ jwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:23

Yeso nə toꞌ fɨ taa tɔ-fesə, faŋ vɨ nəə tii nə tɔ-fesə Solomon, taa ŋii Nwi yikwalə.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 16:25

Kɨ luu nɨndɨɨ mbi, Pɔɔl ghɔ Silas shɔꞌtə Nwi taa ŋii mfiŋ, ndɔ zwaa nyaysə. Vɨɨ ŋii mfiŋ nə ywiitə, zɔ fɨ ghɔ vəŋ.

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 5:3

Faŋ nsiŋ boꞌ ŋwaa nɨniŋ, kaꞌ nsiŋ kɨ boꞌ ŋwaa ŋkee taa ŋɨꞌ, buꞌ laa nsiŋ kɔꞌ kɨɨ laa ŋɨꞌ yɔ́ yɨsə nsiŋ zwetə maa məjia fwi saŋ-nsiŋ.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

1 Timoti 4:8

Nu məsaŋ ŋwaa nə məbaŋ vətɔ kee gaŋtə wə dɨdɨꞌ me. Luu nə, nu məbəŋsə Nwi gaŋtə maa vənu vənshə, buꞌ laa ŋkə kii ŋkɔꞌnə maa yighee ndwə, baa nə maa məbwey vəlwaŋ faŋ ŋwə ndɔ jwi nə.

1 Timoti 6:6

Yinsəŋ, nu məbəŋsə Nwi jwi nə nu jəə tɨ́ wə, faŋ ŋwə suꞌsə ŋwaa wi nsi.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

Jeyms 5:11

Maa nsiŋ yaa kɨ gisə laa Nwi nə tu mənɔŋ-bwaŋnə tɔ vɨɨ vɔ́, faŋ vəŋ nə jìa fwisə vəŋ taa ŋɨꞌ nə. Maa viŋ zɔ̀ faŋ Job nə jìa fwi yi. Viŋ kɨ̀ɨ nɨzi faŋ Mɔꞌmbi nə gaŋtə ŋwə fɨ yiba. Kaꞌ viŋ yè fɨ fuŋ laa Mɔꞌmbi yaa kɨ kee gəŋsə vɨɨ dɨdɨꞌ.

1 Jɔn 2:25

Nu ŋkɨə faŋ nshɨ-tɔ Yeso nə kɔ̀ꞌnə maa məndɔ kɔ tɨ́ viŋ, lùu məbwey vəlwaŋ.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.

Reveleyshən 2:9

«Mə kɔꞌ kɨɨ nə ŋɨꞌ yə, nə bəə kə. Luu nə, a kìi yiyaŋ maa jɨɨ yiday. Mə kɨɨ nə ndisə vɨɨ nɨzi, faŋ vəŋ ndasə ghɔ shɔ nə. Lùu vɨɨ faŋ vəŋ gì laa vəŋ lùu vɨɨ Jus. Luu nə, vəŋ kee lùu vɨɨ Jus yinsəŋ me. Ŋii məshəŋtə vəŋ lùu ŋii məshəŋtə Satan, tɨɨ vəzwitə vəbwəvə.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.