Mark 10:21 - Vengo (Babungo)

²¹ Yeso ndeynə ŋwə, kàw ŋwə, gì tɨ́ ŋwə laa, «A bəə sheꞌ nu kəmuꞌ. Nu kɔ́ lùu laa, a gə fìŋtə vətɔ və vənshə, kɔ̀ ka ghɔ́ nshə tɨ́ mbəəsə, jwì bèꞌsə mə, buu a ndɔ kii vətɔ vəyaŋ shɨ Nwi.»

Mark 10:21 ပူးပေါင်းရင်းမြစ်များ

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Mark 10:22

Wə ghɔ́ zɔ yigi yɔ́, yikəꞌ yi gu. Ŋwə ndɔ kɨ gə nə məluŋ, buꞌ laa ŋwə nə kìi vətɔ ŋkee vəyaŋ.

Mark 8:34

Yeso kɨ nii baa tìi nwaa vɨɨ vəyaŋ faŋ vəŋ nə bàytə yifi, ghɔ vɨ vɨɨ məzwetə nu ki, laa vəŋ shəŋtə jwi yɨ ŋwə. Ŋwə kɨ nii gì tɨ́ vəŋ laa, «Wə ntɨə faŋ ŋwə kəə jwì fɨ yiba jɨŋ mə, bàw ŋwə twey nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə (ŋkee maa shəŋ ŋɨꞌ).

Lukas 10:42

Luu sheꞌ nu kəmuꞌ faŋ ŋkə lùu nu kwalə. Ŋkə lùu laa wə kɨ zɔ yigisə Nwi. Gə fɨ maa Meri, ŋwə shoꞌ kwiŋ jəənə, kaꞌ wə kee fì fɨ ghɔ ŋwə me.»

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 16:9

Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Lukas 19:41

Ŋwə gə, kɨ ziꞌ nshənə fɨ ntɨꞌ Jerusalem, kɔ̀ tɔ, yè ntɨꞌ yɔ́, gwia buꞌ ntɨꞌ yɔ́,

Lukas 9:23

Yeso baa gì tɨ́ vɨɨ vənshə laa, «Wə kɨ luu kəə kɨ beꞌsə mə, bàw ŋwə shaꞌ fəŋkɔꞌ fə ŋkɨꞌsə fi shi shi, beꞌsə mə (ŋkee maa shəŋ ŋkɨə faŋ kaꞌ vɨ zwi ŋwə shɔ nə).

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 2:45

Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Timoti 3:12

Sheꞌ nɨniŋ, vɨ taa kɨ shoꞌ ghuu vɨɨ vənshə faŋ vəŋ kəə kɨ toꞌ ghuu yitoꞌ vəŋ fɨ yiba Yeso Kristo, yuu ŋkə bàw tɨ́ Nwi.

Hibru 10:34

Viŋ nəə ye ŋɨꞌ, viŋ vɨ vɨɨ ŋii mfiŋ, faŋ vɨ nə kwàŋ vəŋ mfiŋ buꞌ nu Nwi nə. Viŋ nə jìa fwi nə məŋaytə faŋ vɨɨ sa vətɔ viŋ, buꞌ laa viŋ lùu vɨɨ Nwi nə. Viŋ nə yɨ̀ nɨniŋ, buꞌ faŋ viŋ nəə kɔꞌ kɨɨ laa viŋ kìi vətɔ faŋ mbə shɔ̀ɔ yimbii, faŋ mbə ndɔ goꞌsə yighee muꞌ.

Jeyms 2:10

Lùu nɨniŋ buꞌ laa, wə kɨ luu nuŋsə ntɨsə Nwi sənshə, gu ntɨ njyə yimuꞌ, buu ŋwə gù ntɨsə sənshə.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Reveleyshən 2:4

Luu nə, nu ŋkɨə faŋ mə kee kaw me, lùu laa a mèꞌ ŋkawnə yə faŋ a nə kìi yighee vɨsɨ.