Mark 10:19 - Vengo (Babungo)

¹⁹ Gə fɨ maa nu ŋkɨə faŋ a bìtə shee nə, a kɔꞌ kɨɨ nə ntɨsə Nwi laa, «Kɨ ghɔ zwi wə me! Kɨ ghɔ tii wəzwi faŋ kee luu ŋgwunə me! Kɨ ghɔ shaw me! Kɨ ghɔ sɨɨ ba tɔ wə me! Kɨ ghɔ fuŋsə wə me! Kɨ zɔnə tii wə nə nshu wə!»

Mark 10:19 ပူးပေါင်းရင်းမြစ်များ

Mark 10:18

Yeso gi tɨ́ ŋwə laa, «Sii yɨ̀ kə a tii mə nə wuu jəə? Wə kee lùu shɔ faŋ ŋwə lùu wuu jəə me, tɨ̀ lɨꞌ Nwi me.

Lukas 18:20

Gə fɨ maa nu ŋkɨə faŋ a nii bitə nə, maa a kɨɨ nə ntɨsə Nwi laa, «Kɨ ghɔ tii wəzwi me! Kɨ zwi wə me! Kɨ shaw me! Kɨ sɨɨ ba tɔ wə me! Kɨ zɔnə tii wə nə nshu wə!»

Roma 13:9

Lùu nɨniŋ buꞌ laa ntɨsə Nwi sənshə faynə sheꞌ maa ntɨ yimuꞌ, yuu kɨ tii wəzwi me, kɨ zwi wə me, kɨ shaw me, kɨ sə fa me, nə ntɨsə Nwi səmɔ́ꞌ sənshə. Nyə yimuꞌ lùu laa, «Kaw weenshu wə yaa nshɨ-tɔ wə!»

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Galatia 4:21

Viŋ kəə laa ntɨsə sɔꞌ viŋ mu? Bàw viŋ zɔ nu ŋkɨə faŋ ŋkə lùu taa ŋwaꞌlə ntɨsə sɔ́.

Galatia 5:14

Nɨniŋ buꞌ laa vɨ fàynə ntɨsə sənshə maa vaŋ təgi tə̀ laa, «Kaw weenshu wə yaa nshɨ-tɔ wə.»

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

Jeyms 2:11

Nwi faŋ ŋwə nə gì laa, «Kɨ ghɔ tii wəzwi faŋ kee lùu ŋgwunə me!» nə baa gì laa, «Kɨ ghɔ zwi wə me!» Nɨniŋ, a kɨ luu kee tìi wəzwi me, zwì wə, buu ŋkə lùu laa a bɨ̀sə nu ŋkɨə faŋ Nwi nùŋsə.