Mark 10:18 - Vengo (Babungo)

¹⁸ Yeso gi tɨ́ ŋwə laa, «Sii yɨ̀ kə a tii mə nə wuu jəə? Wə kee lùu shɔ faŋ ŋwə lùu wuu jəə me, tɨ̀ lɨꞌ Nwi me.

Mark 10:18 ပူးပေါင်းရင်းမြစ်များ

Matiu 19:17

Yeso gi tɨ́ ŋwə laa, «A sii bìtə kɔ̀ŋ nu jəə shee buꞌ kə? Wuu jəə luu sheꞌ Nwi. A kəə zɨ məbwey vəlwaŋ, a jia ntɨsə Nwi.»

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Mark 10:19

Gə fɨ maa nu ŋkɨə faŋ a bìtə shee nə, a kɔꞌ kɨɨ nə ntɨsə Nwi laa, «Kɨ ghɔ zwi wə me! Kɨ ghɔ tii wəzwi faŋ kee luu ŋgwunə me! Kɨ ghɔ shaw me! Kɨ ghɔ sɨɨ ba tɔ wə me! Kɨ ghɔ fuŋsə wə me! Kɨ zɔnə tii wə nə nshu wə!»

Lukas 18:19

Yeso gi tɨ́ ŋwə laa, «A tìi mə nə wuu jəə buꞌ kə? Wə kee lùu shɔ faŋ ŋwə bàw me, bàw sheꞌ Nwi nɨnɔŋ wi.

Roma 3:12

Vɨɨ vənshə ndì jɨɨ Nwi, ŋìi fɔꞌ nu bwə. Tuu wə muꞌ kee lùu shɔ faŋ ŋwə yɨsə nu jəə me.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

1 Jɔn 4:8

Wə ntɨə faŋ ŋwə kee kàw weenshu wi me, kee kɨ̀ɨ nə Nwi me, buꞌ laa Nwi lùu wuu ŋkawnə.