Mark 10:17 - Vengo (Babungo)

¹⁷ Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Mark 10:17 ပူးပေါင်းရင်းမြစ်များ

Matiu 17:14

Vəŋ jwi zìꞌ yɨ nwaa vɨɨ mɔ́ꞌ faŋ vəŋ nə shə̀ŋtə shəŋ muꞌ. Wə mɔ́ꞌ jwi yɨ Yeso, jə̀ vətɔ vəyəə vi nsi vɨsɨ ŋwə,

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 28:8

Vəŋ ndɔ fɨ shuu swi yɔ́ titi, nə məfee, baa nə məŋaytə yaŋ, nyɨŋ gə̀ nàysə tɨ́ vɨɨ məzwetə nu Yeso.

Mark 1:40

Nə luu maa yighee yɔ́, wuu zatə bwə mɔ́ꞌ jwi yɨ Yeso, bùꞌ ghɔ tɨ́ ŋwə, jə̀ vətɔ vəyəə vi nsi, gì laa, «A kəə gàŋtə mə, a kìi wutə maa məyɨ laa zatə bwə kaŋ me.»

Mark 10:18

Yeso gi tɨ́ ŋwə laa, «Sii yɨ̀ kə a tii mə nə wuu jəə? Wə kee lùu shɔ faŋ ŋwə lùu wuu jəə me, tɨ̀ lɨꞌ Nwi me.

Mark 12:14

Vəŋ jwi, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ, kee shəŋ maa mbɨꞌtə wə me, kee bee fee yikwalə wə me. A deesə sheꞌ nu Nwi yinsəŋ. Nɨniŋ, yia kəə bitə nu tɨ́ ghɔ laa, ŋkə kùꞌnə laa vɨ kɨ mɔꞌ tasə tɨ́ fwàŋ Kaysa mu, mu bey?»

Mark 9:25

Yeso ye laa vɨɨ nyɨŋkə jwi fàynə vəyaŋ, ŋwə shə tɨ́ zwitə bwə kɔ́, gì tɨ́ ŋkə laa, «Zwitə bwə, faŋ a yɨsə laa wee ŋwə̀ kee gì me, kee zɔ me, mə shə̀ tɨ́ ghɔ laa a fuu fɨ maa wee ŋwə̀! Kɨ ghɔ baa bəŋ jwi ŋìi taa ŋwaa ŋwə me!»

Lukas 10:25

Maa yighee yɔ́ wuu mədeesə ŋwaꞌlə Nwi mɔ́ꞌ jwi maa Yeso, kɨ kəə mɔŋ ŋwə, gì laa, «Tɨta, sii kaꞌ mə yɨ̀ kə, buu ndɔ zɨ məbwey faŋ ŋwə gòꞌsə yighee muꞌ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Akts 16:30

kɨ nii fùusə vəŋ fu, bìtə laa, «Vətɨɨ vaŋ, sii kɨ kaꞌ mə yɨ̀ kə, buu bwèy?»

Akts 2:37

Vɨɨ vɔ́ zɔ nɨniŋ, ŋkə sɔ fwi vəŋ. Vəŋ bitə tɨ́ Pita nə vɨɨ ntɔŋ Yeso vəmɔ́ꞌ laa, «Bàw yia yɨ kə ndwə, vaŋ-nshwi via?»

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 9:6

Ndɔ yizɔ, ŋìi taa ntɨꞌ nyə̀, buu vɨ taa naysə nu ŋkɨə faŋ a taa yɨsə tɨ́ ghɔ.»

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Jɔn 2:25

Nu ŋkɨə faŋ nshɨ-tɔ Yeso nə kɔ̀ꞌnə maa məndɔ kɔ tɨ́ viŋ, lùu məbwey vəlwaŋ.