Mark 1:14 - Vengo (Babungo)

¹⁴ Nə luu maa yighee njyə faŋ vɨ nə duꞌtə vɨ jia Jɔn, kwàŋ ŋwə mfiŋ, Yeso jwi shɨ Galilii, kɨ toꞌ fɨꞌtə ntɔŋ Nwi yijəə buꞌ nu yifwàŋ Nwi, gisə laa,

Mark 1:14 ပူးပေါင်းရင်းမြစ်များ

Matiu 11:2

Maa yighee yɔ́, Jɔn nə luu taa ŋii mfiŋ, zɔ vənu və Kristo faŋ ŋwə nəə yɨsə nə, tɔ̀ŋ vɨɨ məzwetə nu ki tɨ́ ŋwə.

Matiu 14:2

gi tɨ́ nshiisə-ŋii si laa, «Luu Jɔn, wuu məkɔ muu mə Nwi nə, faŋ ŋwə ywèy fɨ shɨ yiku. Lùu nu ŋkɨə faŋ ŋkə yɨ̀ buu ŋwə kii wutə kɔ́ maa məfaꞌ vənu vəkwalə vɔ́.»

Matiu 4:12

Yeso kɨ zɔ laa vɨ jia Jɔn, kwàŋ taa ŋii mfiŋ, ŋwə ndɔ fɨ yifi, bə̀ŋ gə̀ shɨ Galilii.

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Matiu 9:35

Yeso kɨ tɨtoꞌ fɨ taa məshɨ nə taa ntɨꞌsə sənshə, toꞌ deesə nu Nwi taa ndɔꞌ Nwi vəŋ, fɨꞌtə ntɔŋ yijəə kɔ̀ŋ nu yifwàŋ yizɔ, baa ndisə vəza nə vəndoꞌ fɨ maa vɨɨ.

Lukas 3:20

Nɨniŋ, fwàŋ Herod kwaŋ Jɔn taa ŋii mfiŋ, kuꞌsə vənu vəbwəvə vi shɔ nɨniŋ.

Lukas 8:1

Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Akts 20:25

Mə duꞌtə mə toꞌ fɨ taa ŋwaa viŋ, toꞌ fɨ̀ꞌtə nu yifwàŋ Nwi tɨ́ viŋ. Nɨniŋ ndwə, mə kɔꞌ kɨɨ laa wə fɨ wiŋ kee ndɔ baa ye mə me.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

Efesɔs 2:17

Ŋwə nə jwì nɨniŋ, fɨꞌtə ntɔŋ yijəə tɨ́ viŋ, viŋ vɨɨ faŋ viŋ yaa luu ntaŋ nə, nə tɨ́ vɨɨ mbɨə faŋ vəŋ nə luu nshənə. Ntɔŋ yijəə yɔ́ də̀ jɨɨ məduꞌ nyɔŋ tɨ́ nsiŋ.