Lukas 9:41 - Vengo (Babungo)

⁴¹ Yeso gi laa, «Aŋ viŋ, vɨɨ tɔ shiinə, nə ŋgwisə vɨɨ faŋ viŋ kee nùŋ fwi maa Nwi me. Nsiŋ sii ndɔ mwəsə ndəəkə?» Ŋwə nə gì nɨniŋ, kìasə gì tɨ́ wə ghɔ́ laa ŋwə jwi nə ŋwiŋ wi ghɔ́ tɨ́ ŋwə.

Lukas 9:41 ပူးပေါင်းရင်းမြစ်များ

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 12:39

Ŋwə bəŋsə tɨ́ vəŋ laa, «Vɨɨ bwənə nə ŋgwisə vɨɨ mətii vəki kəə sheꞌ shwenə. Luu nə, vɨ ndɔ kee də shwenə tɨ́ vəŋ me, tɨ̀ lɨꞌ sheꞌ shwenə nu nshiiŋii-sɔghɔ Jona me.

Matiu 12:45

Nɨniŋ, ŋkə baa gə̀ ndì vəzwitə vəbwəvə vəmɔ́ꞌ faŋ mbə bɨ shɔ̀ɔ ŋkə ghee kwatia, ghɔ vɨ mbə jwi ŋìi shɔ, kɨ shi shɔ. Nu wə ghɔ́ fɨ yiba ndɔ kɨ nii bɨ shɔ̀ɔ ŋkə vɨsɨ. Luu sheꞌ faŋ ŋkə ndɔ gay maa ŋgwisə vɨɨ və̀ nɨzi.

Matiu 16:4

Ŋgwisə vɨɨ bwənə, vɨɨ məmanə Nwi kəə yè shwenə. Luu nə, vɨ kee ndɔ də shwenə tɨ́ vəŋ me, tɨ̀ lɨꞌ sheꞌ shwenə nu Jona me.» Ŋwə nə gì nɨniŋ, mèꞌtə vəŋ, ndɔ̀ fɨ yɨ vəŋ.

Matiu 17:17

Yeso gi laa, «Aŋ viŋ, ŋgwisə vɨɨ faŋ viŋ kee nùŋ fwi maa Nwi me. Nsiŋ sii taa shi tày kɨkə? Nsiŋ sii taa mwəsə ndəəkə? Viŋ jwi nə wee ghɔ́ shee!»

Matiu 23:36

Mə naysə ŋkee nu yinsəŋ tɨ́ viŋ laa, vənu vɔ́ vənshə ndɔ koꞌ tɔ ŋgwisə yiŋ.

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Mark 10:14

Yeso ye, ŋkə bɨ tɨ́ ŋwə. Ŋwə gi tɨ́ vɨɨ məzwetə nu ki laa, «Viŋ biŋ vaŋmbwaa kɨ jwi yɨ mə! Kɨ viŋ baa fəŋ vəŋ me! Viŋ kɔꞌ kɨɨ laa vɨɨ mbɨə faŋ vəŋ ndɔ zɨ nu yifwàŋ Nwi, lùu vɨɨ faŋ vəŋ lùu yaa vaŋmbwaa və̀.

Mark 10:49

Yeso tɨŋnə, gì laa vɨ tii ŋwə. Vəŋ tii wuu sɨ fɨsə ghɔ́, gì tɨ́ ŋwə laa, «Ka fwi yə, ndɔ, ŋwə tii ghɔ.»

Mark 9:19

Yeso gi tɨ́ vəŋ laa, «Aŋ viŋ, ŋgwisə vɨɨ faŋ viŋ kee nùŋ fwi siŋ maa Nwi me. Mə sii taa shi yɨ viŋ tay kɨkə? Nsiŋ ndɔ mwəsə ndəəkə? - Viŋ jwi nə wee ghɔ́ shee!»

Lukas 8:25

Ŋwə gi tɨ́ vəŋ laa, «Viŋ kee nùŋ fwi siŋ maa Nwi yimu?» Vəŋ fee. Shuu vəŋ yɔŋ. Vəŋ gi wə nə wə laa, «Sii bee lùu ndə nə, faŋ ŋwə sɔꞌ fɨɨ nə muu, mbə zɔnə ŋwə?»

Lukas 9:40

Mə nii bùꞌ ghɔ tɨ́ vɨɨ məzwetə nu kə laa vəŋ fuusə zwitə kɔ́, vəŋ kee kìi wutə məfuusə me.»

Lukas 9:42

Wee ghɔ́ kɨ jwi, zwitə bwə kɔ́ suŋ ŋwə, kəŋgu mɔꞌ ŋwə. Yeso shə tɨ́ zwitə bwə kɔ́, shùꞌ wee ghɔ́, kɔ̀ tɨ́ tii wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:27

kɨ nii gì tɨ́ Tɔmas laa, «Kɔŋ wee-ghɔ wə taa ghɔ mə ye. Nesə kwiŋ wə, kɔŋ ghɔ kə way yiŋii mə. Kɨ tɔ kə baa shii me; biŋ laa lùu mə.»

Akts 13:18

kɨ̀ꞌ vəŋ taa tɔɔ waꞌsə maa ŋuꞌ muu-yinshwe,

Akts 2:40

Pita baa gì təgi təmɔ́ꞌ təyaŋ tɨ́ vəŋ, bùꞌ ghɔ dɨdɨꞌ laa vəŋ biŋ laa Nwi bweysə vəŋ fɨ taa ŋgwi nyə̀, faŋ vənu vəvəŋ lùu vəbwə.

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

Hibru 3:19

Nɨniŋ, nsiŋ ye laa nu ŋkɨə faŋ ŋkə nə yɨ̀sə laa kɨ vəŋ ŋii maa shəŋ kɔ́ nə me, luu buꞌ laa vəŋ nə kee bìŋ Nwi me.

Hibru 4:11

Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

Hibru 4:2

Vɨ nàysə ntɔŋ yijəə Nwi tɨ́ nsiŋ sheꞌ faŋ vɨ nə nàysə tɨ́ vɨɨ vɔ́ maa yighee vɨsɨ nə. Luu nə, ntɔŋ yijəə yɔ́ faŋ vɨɨ vɔ́ nə zɔ nə, kee gàŋtə vəŋ me, buꞌ laa vəŋ nə zɔ, kee nùŋ fwi vəŋ shɔ me.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.