Lukas 9:35 - Vengo (Babungo)

³⁵ Gɨ Nwi fuu taa mbɔꞌ yɔ́ laa, «Lùu ŋwiŋ ŋwaa nə, faŋ mə nə shoꞌ. Viŋ kɨ zɔnə ŋwə!»

Lukas 9:35 ပူးပေါင်းရင်းမြစ်များ

Matiu 12:18

Ŋwə nə ŋwàꞌlə laa Nwi gì laa, «Viŋ ye wuu faꞌ ŋwaa faŋ mə shòꞌ, baa luu kàw. Ŋwə bàw too mə. Mə taa kwaŋ Zwitə kaŋ maa ŋwə, ŋwə kɨ fɨꞌtə nu ŋkɨə faŋ ŋkə lùu kəloomə tɨ́ vɨɨ mbɨə faŋ vəŋ kee kɨ̀ɨ nə nu kaŋ me.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Mark 1:11

Gɨ Nwi gi fɨ taa yizɔ laa, «A luu ŋkee ŋwiŋ ŋwaa faŋ mə kàw. A bàw shee.»

Lukas 3:22

Zwitə Ley Nwi siꞌ, tɨ̀ŋnə tɔ ŋwə yaa bɔŋsə. Gɨ Nwi gi fiizɔ laa, «A lùu ŋwiŋ ŋwaa, faŋ mə kàw. A bàw shee dɨdɨꞌ.»

Lukas 9:34

Sheꞌ faŋ ŋwə nə gì nɨniŋ nə, mbɔꞌ jwi shìtə vəŋ. Vəŋ fee faŋ vəŋ nə luu taa mbɔꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:28

Nɨniŋ, Yeso shɔꞌtə Nwi, gì laa, «Tɨta ŋwaa, mə taa yɨsə nu ŋkɨə tɨ́ kaꞌ yizii yə kɨ kwalə.» Yeso metə yigi yɔ́, gɨ jwi fɨ taa yizɔ laa, «Mə duꞌtə mə də yikwalə nyaa ntee. Mə ndɔ baa kii də yikwalə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 3:15

Vɨ nə nyɔ̀ꞌ taa ŋwaꞌlə Nwi laa, «Faŋ viŋ zɔ̀ gɨ Nwi ndee, kɨ viŋ fəŋ fwi siŋ me, faŋ vətɨɨ viŋ nəə fəŋ fɨshi nə me.»

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.