Lukas 9:31 - Vengo (Babungo)

³¹ Vəŋ jwi kɨ nɨndwaꞌlə, məley Nwi lùu maa vəŋ. Vəŋ gisə tɨ́ Yeso kɔ̀ŋ jɨɨ njyə faŋ ŋwə ndɔ metə vəfaꞌ vi, ku ntɨꞌ Jerusalem.

Lukas 9:31 ပူးပေါင်းရင်းမြစ်များ

Lukas 9:22

baa gì tɨ́ vəŋ laa, «Viŋ kɔꞌ kɨɨ laa nu Wuu yinsəŋ Nwi lùu laa ŋwə ndɔ ye ŋɨꞌ yiyaŋ. Vəshɨꞌ vaŋ-nsiŋ nə vɨɨ kwalə məfeꞌ Nwi, nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Vəshi kɨ shɔ̀ɔ vətia, ŋwə ywey fɨ shɨ yiku.»

Lukas 9:30

Vɨɨ vəbɔɔ gwəkə lùu shɔ yɨ ŋwə, ghɔ vɨ vəŋ nə gisə. Vɨɨ vɔ́ nə luu nshiisə-ŋii sɔghɔ, mbə ywaŋ-vɨsɨ, təzii təvəŋ luu Mose nə Elias.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

Hibru 11:22

Gə fɨ maa Josef, ŋwə nə nùŋ fwi yi maa Nwi nɨzi. Yighee njyə faŋ ŋwə nəə kəə ku, ŋwə nə gì nu kɔ̀ŋ məfuu faŋ vɨɨ Isirayl ndɔ fuu fɨ shɨ Ijip, baa nàysə nu ŋkɨə faŋ vɨ taa ndi ŋku ŋwaa ki, yɨ̀ shɔ.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

2 Pita 1:15

Mə kəə yɨ̀ nu ŋkɨə faŋ kaꞌ mə yɨ̀ maa məkɔ jɨɨ tɨ́ viŋ, tɨ́ kɨ kaꞌ viŋ kɨ lumə vənu vɔ́ ghee nshə faŋ mə taa kɔlə bəə fɨ mbi.

Reveleyshən 7:14

Mə gì tɨ́ ŋwə laa, «Tɨta ŋwaa, kɨ̀ɨ ghɔ.» Ŋwə gi shee laa, «Lùu vɨɨ mbɨə faŋ vəŋ fùu fɨ taa ŋɨꞌ yiyaŋ, sɔ̀ njwisə vəŋ nə mənshi mə bi-njɨɨ yɔ́, yɨ̀sə nsə ley, buꞌ faŋ vəŋ nə nùŋ fwisə vəŋ maa wə ntɨə faŋ ŋwə nə kù tɔ vəŋ nə.