Lukas 9:1 - Vengo (Babungo)

¹ Shi mɔ́ꞌ Yeso shəŋtə vɨɨ ntɔŋ vi njɔsə-bɔɔ, kɔ̀ wutə tɨ́ vəŋ, ŋkee wutə maa məfuusə vəzwitə vəbwəvə vənshə fɨ maa vɨɨ, baa nə wutə maa məshuꞌ vəza,

Lukas 9:1 ပူးပေါင်းရင်းမြစ်များ

Matiu 16:19

Mə taa kɔ ŋkwa nu yifwàŋ yizɔ tɨ́ ghɔ. Nu ŋkɨə faŋ a kà shɨ nsi, buu vɨ ndɔ ka ŋkə yizɔ nɨzi. Nu ŋkɨə faŋ a zetə shɨ nsi, buu vɨ ndɔ zetə yizɔ nɨzi.»

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 8:9

Nshɨ-tɔ ŋwaa lùu wə faŋ wə mɔ́ꞌ tɔ mə. Vəsogeꞌ baa luu ŋiꞌ mə, faŋ mə sɔꞌ vəŋ. Mə gì tɨ́ wə muꞌ laa, gə, ŋwə gə̀, gì tɨ́ wuu mɔ́ꞌ laa, jwi, ŋwə jwì, gì tɨ́ buꞌ ŋwaa laa yɨ nee, ŋwə yɨ̀.»

Lukas 10:1

Yiŋkii kɨ shɔɔ, tɨta Yeso shoꞌ vɨɨ ntɔŋ vi mɔ́ꞌ muu-ŋkwatia, tɔŋ vəŋ vəbɔɔ vəbɔɔ, vəŋ gə vɨsɨ kɨ toꞌ fɨ taa məshɨ məshɨ, maa vəshəŋ vənshə faŋ ŋwə taa kɨ shɔɔ fɨ fuŋ nɨzi.

Lukas 10:19

Viŋ zɔ! Mə nə kɔ̀ wutə tɨ́ viŋ tɨ́ kɨ kaꞌ viŋ jeꞌtə zɔsə, nə vəŋaa vəbwəvə, nu kee gay maa viŋ me. Mə kɔ̀ wutə tɨ́ viŋ maa məghɔꞌ vətɔ və tɨɨ vəzwitə vəbwəvə vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, taa kɨ yɨ vənu mbɨə faŋ mə yɨ nɨzi. Ŋwə taa kɨ yɨsə vənu faŋ mbə shɔ̀ɔ mbɨə faŋ mə yɨ̀, buꞌ faŋ mə gə yɨ Tii ŋwaa.

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 3:16

Viŋ zɔ! Wə ŋwə̀ faŋ viŋ yè ŋwə, kɨ̀ɨ nə ŋwə nə, nii nùŋ fwi yi maa yizii Yeso, buu yizii Yeso yɔ́ kɔ wutə tɨ́ ŋwə. Nii yɨ̀ Yeso laa wə ghɔ́ nuŋsə fwi yi maa Yeso, buu ŋwaa wi nshə weꞌ, viŋ vənshə ye.

Akts 4:30

Nesə ghɔ kə nɨzi, shùꞌ vəza fɨ maa vɨɨ, yɨ laa vəshwenə nə vənu və shuu yɔŋvə fuu maa yizii wuu faꞌ wə Yeso, faŋ ŋwə bàw shɨlə nə.»

Akts 9:34

«Anias, Yeso Kristo shùꞌ ghɔ. Ndɔ yizɔ, nàysə fwaŋ kə!» Sheꞌ yighee muꞌ ŋwə ndɔ.