Lukas 8:35 - Vengo (Babungo)

³⁵ Vɨɨ fuu gə maa məye nu ŋkɨə faŋ ŋkə nii gày shɔ nə. Vəŋ jwi yɨ Yeso, yè wə ntɨə faŋ vəzwitə vəbwəvə fùu fɨ taa ŋwaa ŋwə nə, tɨ́ ŋwə duꞌ ghuu Yeso, shùŋ njwi si, tɔ ki ley. Vəŋ fee.

Lukas 8:35 ပူးပေါင်းရင်းမြစ်များ

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Mark 5:15

Vəŋ jwi yɨ Yeso, yè wə ntɨə faŋ vəzwitə vəbwəvə nə luu maa ŋwə ŋkaŋsə nə. Wə ghɔ́ nə dùꞌ nsi, tɨ́ ŋwə mɔꞌ njwisə, tɔ ki ley. Vəŋ fee.

Lukas 10:39

Weenshu Marta nə luu shɔ nɨzi, yizii yi luu Meri. Meri duꞌ ghuu tɨta Yeso, kɨ zɔ nu ŋkɨə faŋ ŋwə gisə.

Lukas 15:17

Ŋwə duꞌ, ywìitə nu ki, kɨɨ laa ŋkə lùu kəbwə. Ŋwə gi fɨ taa fwi ŋwə laa, «Vɨɨ faꞌ tii ŋwaa vəyaŋ kìi fazɨ shɔ̀ɔ faŋ vəŋ zɨ, mə nə ku jɨŋ feenə.

Lukas 2:46

Fu lee, vəŋ gə taa ŋii Nwi yikwalə, yè ŋwə yifi. Ŋwə nə dùꞌ taa ŋwaa vɨɨ mədeesə ŋwaꞌlə Nwi, zɔ vənu faŋ vəŋ gisə, bitə vənu tɨ́ vəŋ.

Lukas 8:27

Yeso fuu fɨ taa bay, koꞌ mbɔꞌ-bia, ghɔ wə mɔ́ꞌ faynə faŋ ŋwə nə jwì fɨ taa shɨ yɔ́, faŋ vəzwitə vəbwəvə nə luu taa ŋwaa ŋwə. Ŋkə duꞌtə ŋkə tay, wə ghɔ́ kee shùŋ njwi me, kee shi taa ŋii me, toꞌ shi taa təswi tə vɨɨ.

Lukas 8:34

Vɨɨ mbɨə faŋ vəŋ nəə shii vəŋkwinyaa vɔ́, ye nu kɔ́, nyɨŋ gə̀ kɨ fɨꞌtə nu kɔ́ taa shɨ, nə taa təfu tə tɔɔ.

Akts 22:3

«Mə lùu wuu Jus, vɨ bì mə ntɨꞌ Tarsɔs fɨ shɨ Saylisia. Luu nə, mə ta luu shɨ feenə, zwetə ŋwaꞌlə ŋkee fɨ ghɔ tɨta Gamaliel, faŋ ŋwə dèesə nuŋsə vətɨɨ vaŋ-nsiŋ ŋkee jəə. Nɨniŋ, mə gù wuu weꞌ maa nu Nwi, sheꞌ faŋ viŋ wèꞌ shɔ ndee nə.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.