Lukas 7:37 - Vengo (Babungo)

³⁷ Wəzwi mɔ́ꞌ faŋ ŋwə nə luu ntɨꞌ yɔ́, faŋ nə luu yɨ-kəbwə, zɔ laa ŋwə lùu taa ŋii wuu Farisii ghɔ́, zɨzɨ. Ŋwə ndi ndaw lamenda, jwi nə nyə,

Lukas 7:37 ပူးပေါင်းရင်းမြစ်များ

Matiu 21:31

Wə ntɨə faŋ ŋwə zɔ yigisə tɨɨ vəŋ fɨ taa ŋwaa vɨɨ vɔ́ vəbɔɔ nə, lùu ŋgwəə?» Vəŋ laa lùu ŋgwə vɨsɨ. Yeso gi tɨ́ vəŋ laa, «Viŋ zɔ! Mə naysə nu yinsəŋ tɨ́ viŋ laa, vɨɨ məsa vətɔ nə vəsakə fi vɨsɨ fɨ ghɔ viŋ, ŋìi nu yifwàŋ Nwi.

Lukas 18:13

Gə fɨ maa wuu məsa vətɔ ghɔ́, ŋwə jwi tɨŋ ŋkee ntaŋ, kee bee jìa fwi maa məŋaꞌsə yisɨ yi, ndeynə yizɔ me, buꞌ fwi yi, shɔꞌtə Nwi laa, «Nwi, kee gəŋ saŋ, mə lùu wuu bwə!»

Lukas 19:7

Vɨɨ ye nɨniŋ, vəŋ vənshə lulə Yeso, buꞌ faŋ ŋwə nə gə shi ghɔ wə faŋ ŋwə yɨsə vənu vəbwəvə.

Lukas 5:30

Vɨɨ Farisii ghɔ vɨ vɨɨ mədeesə ŋwaꞌlə Nwi lulə tɨ́ vɨɨ məzwetə nu Yeso, gì laa, «Sii yɨ̀ kə viŋ duꞌ viŋ vɨ vɨɨ məsa vətɔ nə vəyɨ-kəbwə, viŋ vɨ vəŋ zɨ, ndɔ nu?»

Lukas 5:32

Sheꞌ nɨniŋ, mə nə kee jwì maa məkəə vɨɨ mbɨə faŋ vənu vəvəŋ lùu vəloomə me. Mə kəə luu vəyɨ-kəbwə, laa vəŋ kwiinə fwisə vəŋ.»

Lukas 7:34

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu. Viŋ kɨ nii gì laa ŋwə lùu waa-mfii-ndaa nə nu məluꞌ, baa nə laa ŋwə lùu wuumba vɨɨ məsa vətɔ nə vɨɨ bwənə.

Lukas 7:36

Wuu Farisii mɔ́ꞌ nə tìi Yeso laa ŋwə jwi, ghɔ ŋwə zɨ fazɨ. Yeso gə ŋìi taa ŋii wuu Farisii ghɔ́, duꞌ nsi kɨ zɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:2

Nə luu Meri ŋgwə faŋ ŋwə nə zwisə məŋgwə mə shwaŋ ndɔŋnə ghuu Yeso, baa tɔ̀ŋsə ghuu Yeso nə nyuŋsə tɔ si nə. Lasarɔs, weenshu Meri ghɔ́, nə zɨzasə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:24

Nɨniŋ, vəŋ baa tìi wə ghɔ́ faŋ sɨ ghi nə fɨ̀ nə, lwesə ghee bɔɔ, gì tɨ́ ŋwə laa, «Bàw a fee Nwi, gì nu yinsəŋ vɨsɨ Nwi! Yia kɔꞌ kɨɨ laa wə ntɨə faŋ a gì laa ŋwə ŋàꞌsə sɨ ghə nə, lùu wuu məyɨ vənu vəbwəvə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:31

Nsiŋ kɔꞌ kɨɨ laa Nwi kee yaa kɨ zɔ məshɔꞌtə vɨɨ vənu vəbwəvə me. Nwi zɔ sheꞌ məshɔꞌtə wə ntɨə faŋ ŋwə bəŋsə Nwi, yɨ nu ŋkɨə faŋ Nwi kàw.

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

1 Timoti 1:15

Yigisə Nwi lùu nu jəə. Bàw vɨɨ vənshə biŋ laa Yeso Kristo nə fùu taa mbi maa məbweysə vɨɨ bwənə, faŋ mə luu nshɔɔ vɨsɨ vəŋ.

1 Timoti 1:9

Nsiŋ baa kɨɨ laa ntɨsə sɔ́ kee lùu nu tɨ́ wə ntɨə faŋ nu ki lùu kəloomə me, luu sheꞌ tɨ́ vɨɨ məsuꞌtə ntɨsə nə vɨɨ məbuulə, nə tɨ́ vɨɨ faŋ vəŋ kee tìi Nwi nə nu me, baa yɨsə vənu vəbwəvə, nə tɨ́ vɨɨ faŋ vəŋ kee kàw nu jəə me, shɨshiasə Nwi, nə tɨ́ vɨɨ faŋ vəŋ zwilə vətɨɨ vəvəŋ ghɔ vənshwi vəvəŋ, nə tɨ́ vɨɨ məzwilə vɨɨ,

1 Pita 4:18

«Wə ntɨə faŋ ŋwə twèy nu Nwi, kɨ yɨsə vənu vəbwəvə nə, ndɔ kɨsə dùꞌ fə, faŋ wə ntɨə faŋ nu ki lùu kəloomə, ndɔ fuu fɨ taa nsɔꞌ sheꞌ nə wutə nə?»