Lukas 7:33 - Vengo (Babungo)

³³ Yighee njyə faŋ Jɔn, wuu məkɔ muu mə Nwi, nə jwi, viŋ yɨ sheꞌ yaa vaŋ vɔ́. Ŋwə nə kee zɨ bee me, kee nu məluꞌ me. Viŋ kee biŋ yigisə yi me, gi laa, zwitə bwə taa ŋwaa ŋwə.

Lukas 7:33 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 3:1

Nə luu maa ŋuꞌsə mbi sɔ́, Jɔn, wuu məkɔ muu mə Nwi, fuu kɨ fɨꞌtə nu Nwi tɔɔ waꞌsə,

Matiu 3:4

Nshɨ-tɔ Jɔn nəə mɔꞌ sheꞌ njwi faŋ vɨ nə bà nə nyuŋsə nyaa kamelə, shuŋ kɔtə gɔ ŋiꞌ ŋwə, (sheꞌ faŋ nshiisə-ŋii sɔghɔ yaa kɨ mɔꞌ nə.) Fazɨ ki nə luu sheꞌ ŋweysə nə zɔsə fɨ taa tɔɔ.

Mark 1:6

Jɔn nə mɔ̀ꞌ njwi faŋ vɨ nə bà nə nyuŋsə nyaa kamelə, shùŋ kɔtə gɔ ŋiꞌ ŋwə, kwə sheꞌ ŋweysə, ndɔ nda zɔsə. (Njwisə sɔ́ nə kee lùu njwisə vɨɨ ka me, nə luu njwisə faŋ nshiisə-ŋii sɔghɔ yaa kɨ mɔ̀ꞌ nə.)

Lukas 1:15

buꞌ laa ŋwə ndɔ luu wuu kwalə vɨsɨ Nwi. Ŋwə kee ndɔ nu məluꞌ me, tɨꞌnə me fa mɔ́ꞌ faŋ ŋkə buulə tɔ wə me. Zwitə Ley Nwi ndɔ lwaŋ taa fwi ŋwə, shù ŋkee fɨ taa njyoꞌ nshu wi.

Lukas 7:32

Viŋ zɔ! Vəŋ fɨnə vaŋmbwaa, faŋ vəŋ ghɨghay taa yiwiŋ, gisə vəŋ vəŋ laa, «Yia taw yisaw tɨ́ viŋ, viŋ kee bɨbəŋ me. Yia gwia yiku, viŋ kee gàŋtə yia me.»

Lukas 7:34

Gə fɨ maa Wuu yinsəŋ Nwi, ŋwə jwi kɨ zɨ, ndɔ nu. Viŋ kɨ nii gì laa ŋwə lùu waa-mfii-ndaa nə nu məluꞌ, baa nə laa ŋwə lùu wuumba vɨɨ məsa vətɔ nə vɨɨ bwənə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:20

Vɨɨ vəyaŋ gi laa zwitə bwə taa ŋwaa ŋwə, ŋwə ghɨghenə, baa nə laa, «Viŋ sii zɔ vənu mbɨə faŋ ŋwə gisə tɨ́ kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48

Vɨɨ kwalə vɨɨ Jus vɔ́ bitə tɨ́ Yeso laa, «Maa yia gì nu bɔŋsə laa a lùu wuu Samaria, baa nə laa zwitə bwə lùu taa ŋwaa ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:52

Vɨɨ Jus vɔ́ gi tɨ́ ŋwə laa, «Buꞌ yigisə yə, yia yè yinsəŋ laa zwitə bwə lùu taa ŋwaa ghɔ. Ŋkee fɨshi Abraham nə ku, nshiisə-ŋii sɔghɔ nə kùkə nɨzi. Sii yɨ̀ kə buu a gi laa wə kɨ luu biŋ yigisə yə, buu ŋwə kee ndɔ ku me?

Akts 2:13

Luu nə, vɨɨ mɔ́ꞌ tɨtaw, gì laa shɔ̀ɔ məluꞌ sɨ vəŋ.