Lukas 7:29 - Vengo (Babungo)

²⁹ Vɨɨ vənshə, nə ŋkee vɨɨ məsa vətɔ, faŋ vəŋ nə zɔ̀ yigisə Jɔn, biŋ Nwi, buꞌ faŋ vəŋ nə fì muu mə Nwi fɨ ghɔ Jɔn.

Lukas 7:29 ပူးပေါင်းရင်းမြစ်များ

Matiu 5:46

Viŋ kɨ luu kàw sheꞌ vɨɨ faŋ vəŋ kaw viŋ, buu vəkeynə viŋ sii lùu kɨkə? Maa vɨɨ məsa vətɔ yɨsə nɨniŋ nɨzi!

Lukas 20:6

Luu nə, vəŋ kɨ luu gi laa fɨ ghɔ wə mənsaw, buu vɨɨ vənshə taa tumə vəŋ nə ŋoꞌsə, buꞌ laa vɨɨ vənshə biŋ laa Jɔn nə luu nshiiŋii-sɔghɔ.

Lukas 3:12

Vəgaa-njɔŋsə jwi nɨzi maa məfi muu mə Nwi, bìtə tɨ́ ŋwə laa, «Tɨta, bàw yia yɨ kə?»

Lukas 7:28

Mə naysə tɨ́ viŋ laa wə kee lùu shɔ, faŋ nə bì wəzwi, faŋ kaꞌ ŋwə kwàlə shɔ̀ɔ Jɔn me. Luu nə, ŋkee wuu tɨtiꞌ faŋ ŋwə ndɔ ŋii nu yifwàŋ Nwi, kwalə shɔ̀ɔ ŋwə.

Lukas 7:35

Luu nə, kaꞌ vɨ kɨ̀ɨ laa yitɔfə Nwi lùu nu yinsəŋ, buꞌ vɨɨ mbɨə faŋ vəŋ biŋ yitɔfə Nwi yɔ́.»

Akts 18:25

Vɨ nə duꞌtə vɨ tɨ ŋwə nə jɨɨ tɨta Yeso. Zwitə Ley Nwi lwaŋ taa fwi ŋwə, ŋwə gisə baa deesə vənu və Yeso ŋkee vəloomə, faŋ ŋwə nə kɔlə kɨ̀ɨ nə nu məfi muu mə Nwi sheꞌ maa jɨɨ Jɔn.

Akts 19:3

Ŋwə bitə tɨ́ vəŋ laa, «Viŋ kee ta zɔ̀ laa Zwitə Ley Nwi lùu shɔ me, buu viŋ nə fì muu mə kə?» Vəŋ gi laa muu mə Jɔn.

Roma 10:3

Vəŋ kee kɨ̀ɨ nə jɨɨ njyə faŋ Nwi kiasə nu wə ŋkə loomə me. Vəŋ kəə kɨ yɨsə nu loomə luu maa nshɨ-tɔ vəŋ. Nɨniŋ, vəŋ kee fìŋ tɔ vəŋ tɨ́ Nwi, laa ŋwə kwiinə nu vəŋ, ŋkə loomə me.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 16:5

Mə kɨ nii zɔ nshiiŋii Nwi njyə faŋ ŋwə sɔꞌ muu nə, gi laa, «A luu ŋkee wuu loomə, mɔɔ Nwi, faŋ a nə luu shɔ yighee vɨsɨ, baa lùu shɔ ndwə. A bàw shɨlə, buꞌ faŋ a shìa nu kɔ́ nee.