Lukas 6:49 - Vengo (Babungo)

⁴⁹ Luu nə, wə ntɨə faŋ ŋwə zɔ, kee yɨ̀ me, buu ŋwə lùu yaa wə faŋ ŋwə nə fìa ŋii yi sheꞌ fuu shɔꞌ. Yighee njyə faŋ muu nə fùu, shɔ̀ɔ kwàsə, nyə gu, nyèꞌtə dɨdɨꞌ.»

Lukas 6:49 ပူးပေါင်းရင်းမြစ်များ

Matiu 23:3

Vənu vənshə faŋ vəŋ naysə tɨ́ viŋ, viŋ jia, kɨ yɨsə. Luu nə, kɨ viŋ kɨ yɨsə faŋ vəŋ yɨsə me, buꞌ laa vəŋ gɨgisə, kee yɨyɨ me.

Matiu 24:10

Nɨniŋ, vɨɨ vəyaŋ fɨ taa ŋwaa viŋ suꞌtə ghuu vəŋ fɨ yiba jɨŋ mə. Vɨɨ mɔ́ꞌ kɨ bɨsə təzii tə vɨɨ mɔ́ꞌ. Vɨɨ mɔ́ꞌ kɨ bee vɨɨ mɔ́ꞌ.

Mark 4:17

Luu nə, ghay ghi kee lùu taa fwisə vəŋ me, bètə sheꞌ tɨtiꞌ, ŋɨꞌ taa kɨ ŋii vəŋ, vɨɨ nə shoꞌ ghuu vəŋ buꞌ nu Nwi, vəŋ ndì jɨɨ Nwi yighee muꞌ.

Lukas 12:47

Wuu faꞌ ŋgwə faŋ ŋwə nə kɨ̀ɨ nə nuŋsə tɨɨ faꞌ wi, kee kɨ dùꞌ kɨꞌ ŋwə, yɨ̀ nu ŋkɨə faŋ ŋwə nə kəə nə me, buu ŋwə kii ŋkee nsaŋ bwə.

Lukas 19:14

Luu nə, vɨɨ shɨ vi nə bee ŋwə, tɔ̀ŋ ntɔŋ fɨ yiba jɨŋ ŋwə, gì laa vɨ kee kàw laa ŋwə taa kɨ sɔꞌ vəŋ me.

Lukas 19:27

Gə fɨ maa vɨɨ mbeenə vaŋ vì, faŋ vəŋ nə kee kàw laa mə sɔꞌ vəŋ nə me, ndi vəŋ, jwì nə vəŋ, zwìlə vəŋ feenə vɨsɨ mə.»

Lukas 6:46

Yeso baa gi laa, «Sii yɨ̀ kə viŋ tii mə laa «tɨta, tɨta», kee kɨ yɨsə nu ŋkɨə faŋ mə gisə me?

Lukas 6:48

Kəŋ wə ghɔ́ lùu yaa wə faŋ ŋwə nə fìanə ŋii yi, tə̀ə shɨŋii ŋkee jəə, zìꞌ fuu yighɔsə, buu bɔŋ fuu yi. Yighee njyə faŋ muu nə fùu, mbə nəꞌsə ŋii yɔ́ dɨdu, buꞌ laa vɨ nə fianə ŋkee jəə fuu ŋoꞌ.

Lukas 7:1

Yeso kɨ metə yigisə yi yɔ́ yinshə tɨ́ vɨɨ vɔ́ faŋ vəŋ nə tɨ̀ŋnə yifi, kɨ zɔ yigisə yi nə, ŋwə kɨ nii bə̀ŋ gə ntɨꞌ Kapernaum.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:2

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Akts 20:29

Mə kɔꞌ kɨɨ laa yighee njyə faŋ mə taa meꞌtə viŋ, vɨɨ bwənə ndɔ ŋii taa nwaa viŋ yaa nyaasə bwəsə, faŋ nsə ŋìi taa ŋwaa bisə, kɨ kəə kootə fɨ maa bisə sɔ́.

Akts 26:11

Mə nə sɔꞌ vəŋ taa ndɔꞌ Nwi nshə, yɨ̀sə laa vɨ kɨ saŋ vəŋ laa vəŋ ndɔ ndasə Yeso. Mə beenə fɨ yiba vəŋ nə wutə, toꞌ shoꞌ ghuu vəŋ ŋkee taa məshɨ məday.

1 Tesalonika 3:5

Lùu nu ŋkɨə faŋ ŋkə nə yɨ̀sə laa kɨ kaꞌ mə kee baa jìa fwi nyaa me, tɔ̀ŋ Timoti maa məkɨɨ nə məbiŋ wiŋ, faŋ viŋ nùŋ fwi maa Kristo nə, buꞌ tɨɨ vəzwitə vəbwəvə mɔŋ viŋ, bwèꞌsə viŋ, viŋ ndi jɨɨ, buu vəfaꞌ via taa ŋwaa viŋ kɨ nii yindi.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.