Lukas 6:45 - Vengo (Babungo)

⁴⁵ Sheꞌ nɨniŋ, wuu jəə yaa kɨ nuŋsə vətɔ vəjəəvə taa fwi ŋwə, fuusə fa jəə fɨ fuŋ. Wuu bwə nuŋsə sheꞌ vətɔ vəbwəvə, fùusə vətɔ vəbwəvə fɨ fuŋ nɨzi. Lùu nɨniŋ buꞌ laa yigi wə faŋ ŋwə gisə, luu sheꞌ nu ŋkɨə faŋ ŋkə lwàŋ taa fwi ŋwə.»

Lukas 6:45 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:38

Wə ntɨə faŋ ŋwə nùŋ fwi yi maa mə, yuu ŋkə lùu taa ŋwaꞌlə Nwi, buu muu mbɔ́ faŋ mbə kɔ məbwey, taa kɨ fuu fɨ taa fwi ŋwə.»

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:19

Viŋ shɔꞌtə wə nə wə nə yigi fɨ taa ŋwaꞌlə Sam, nə nyaysə məbəŋsə Nwi, nə nsə Zwitə Nwi, kɨ zwa nyaysə jəəsə tɨ́ tɨta ŋwaa-nsiŋ fɨ taa fwisə viŋ,

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Kɔlɔsii 4:6

Viŋ yɨsə laa yigisə yiŋ luu yizutə, nyə baa lùu yindɨŋ tɨ́ vɨɨ, tɨ́ kaꞌ viŋ kɨ̀ɨ maa məbəŋsə yigi tɨ̀ me yigi tɨ́ vɨɨ ŋkee yijəə.

Hibru 8:10

Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

Ŋwaꞌlə Jud 1:15

jwi sɔꞌ nsɔꞌsə vɨɨ vənshə. Ŋwə ndɔ sɔꞌ vɨɨ bwənə vənshə buꞌ vənu vəbwəvə vəŋ faŋ vəŋ yɨsə, baa nə buꞌ yigisə yibwənə faŋ vəŋ gisə kɔ̀ŋ ŋwə.»