Lukas 6:27 - Vengo (Babungo)

²⁷ «Gə fɨ maa viŋ, vɨɨ mbɨə faŋ viŋ zɔ yigisə nyaa, mə gì tɨ́ viŋ laa, viŋ kɨ kaw vɨɨ mbeenə viŋ, yɨ jəə tɨ́ vɨɨ mbɨə faŋ vəŋ bee viŋ.

Lukas 6:27 ပူးပေါင်းရင်းမြစ်များ

Mark 4:24

Ŋwə baa gì tɨ́ vəŋ laa, «Viŋ kɨ ndɨɨnə maa nu ŋkɨə faŋ viŋ zɔ ndwə! - Mfɨꞌ njyə faŋ viŋ kɔ, lùu mfɨꞌ njyə faŋ viŋ ndɔ fi, shɔ̀ɔ faŋ viŋ nə kɔ nə. (Sheꞌ nee, Nwi ndɔ gaŋtə viŋ maa məkɨɨ nə ŋiꞌ yigisə nyaa sheꞌ faŋ viŋ kwaꞌtə yigi yɔ́ taa fwisə viŋ.)

Lukas 23:34

Yeso gi laa, «Tɨta Nwi, ndenə nu bwə vəŋ, buꞌ laa vəŋ kee kɨ̀ɨ nə nu ŋkɨə faŋ vəŋ yɨsə me.» Vəŋ kɨ nii ndi njwisə Yeso, tùŋ beꞌ shɔ, gàatə.

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Lukas 8:18

Viŋ kɨ tɔfə faŋ viŋ zɔ yigisə nyaa nə. Wə ntɨə faŋ ŋwə kìi, vɨ ndɔ kuꞌsə tɨ́ ŋwə, ŋwə baa kìi shɨshɔɔ. Wə ntɨə faŋ ŋwə kee yikii me, vɨ ndɔ fɨfi ŋkee tɨtiꞌ ŋgwə faŋ ŋwə kii fɨ ghɔ ŋwə.»

Lukas 8:8

Way mɔ́ꞌ fiŋkə taa shɔꞌ jəə, ta, mbuu yisay kii say waaghɨꞌ waaghɨꞌ.» Yeso metə yigisə tii yɔ́, baa gì nə gɨ yishaꞌsə laa, «Wə ntɨə faŋ ŋwə kìi tuulə ghi zɔ, ŋwə zɔ!»

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 16:28

Pɔɔl yumə ŋkee nəŋay, gì laa kɨ ŋwə ndɨəsə ŋwaa wi me, «Yia shɔ vənshə!»

Akts 7:60

kɨ nii tùŋ vətɔ vəyəə vi nsi, yùmə ŋkee nəŋay laa, «Tɨta Nwi, ndenə nu bwə vəŋ kə̀,» kɨ nii yiku nɨniŋ.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

1 Tesalonika 5:15

Viŋ kɨ ye laa kɨ wə bəŋsə bwə nə bwə me. Viŋ bee kii kɨ yɨ̀sə jəə maa viŋ, viŋ viŋ, baa luu yɨ̀sə jəə maa vɨɨ vənshə.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.