Lukas 5:24 - Vengo (Babungo)

²⁴ Ŋkə bàw viŋ kɨɨ laa Nwi nùŋsə Wuu yinsəŋ Nwi laa ŋwə kɨ ndisə yibɨsə vɨɨ fɨ shɨ nsi.» Ŋwə kɨ nii gì tɨ́ wə ntɨə faŋ ŋwaa wi nə kù way muꞌ nə laa, «Ndɔ yizɔ, ndì kɨŋ kə, gə shiŋii!»

Lukas 5:24 ပူးပေါင်းရင်းမြစ်များ

Matiu 16:13

Yeso kɨ ziꞌ kwiŋ Sisaria Filipi, bìtə tɨ́ vɨɨ məzwetə nu ki laa, «Vɨɨ sii gisə laa Wuu yinsəŋ Nwi lùu ndə?»

Matiu 25:31

Yeso nə baa gì laa, «Ndɔ luu maa yighee njyə faŋ Wuu yinsəŋ Nwi ndɔ bəŋ jwì nə feenə wi ghɔ vɨ nshiisə-ŋiisə Nwi sənshə, buu ŋwə taa duꞌ fuu ŋkaw yifwàŋ ki, vɨ kɨ gwenə ŋwə yaa fwàŋ.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 9:6

Bàw viŋ kɨɨ laa Nwi kɔ wutə tɨ́ Wuu yinsəŋ Nwi, laa ŋwə ndisə vənu vəbwəvə faŋ mbə lùu maa vɨɨ nə. Nɨniŋ, mə taa yɨsə nu yiŋkii nɨzi.» Ŋwə kɨ nii gì tɨ́ wə ntɨə faŋ ŋwaa wi nə kìlə nə laa, «Ndɔ yizɔ, shàꞌ kɨŋ kə, gə̀ shiŋii!»

Lukas 5:13

Yeso nesə ghɔ ki, kɔ̀ŋ ŋwə, gì laa, «Mə kəə nɨniŋ, ŋkə me fɨ maa ghɔ, a ley.» Sheꞌ yighee yɔ́, zatə bwə kɔ́ mè fɨ maa wə ghɔ́.

Lukas 5:18

Vɨɨ mɔ́ꞌ jwi nə wə faŋ way ŋwaa wi kù muꞌ, shàꞌ ŋwə fuu kɨŋ, kɨ kəə jɨɨ maa məŋii taa ŋii, nùŋsə ŋwə vɨsɨ Yeso.

Lukas 5:23

Sii yàysə kə, maa məgi tɨ́ wə faŋ way ŋwaa wi kù muꞌ nə, laa vənu vəbwəvə vi mè, mu maa məgi tɨ́ ŋwə laa, «Ndɔ yizɔ, tɨŋnə kɨ toꞌ.»

Lukas 7:14

Ŋwə shəŋtə jwì, kɔ̀ŋ ŋwaꞌ ŋgwə faŋ ŋku zawə ghɔ́ nə luu tey yi nə. Vɨɨ mbɨə faŋ vəŋ nə shàꞌ ŋwaꞌ ghɔ́, tɨŋnə. Ŋwə gi tɨ́ ŋku wə ghɔ́ laa, «Zawə, mə gì tɨ́ ghɔ laa a ndɔ yizɔ!»

Lukas 8:54

Ŋwə gə yɨ wee ghɔ́, jìa kwiŋ wi, tii ŋwə laa, «Weembwa, ndɔ yizɔ!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:43

Ŋwə nə gì yigi nyə̀, mètə, ndɔ̀ baa gì ŋkee nəŋay laa, «Lasarɔs, fuu fu!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:13

Tuu wə nə kee ta koꞌ gə̀ yizɔ me. Nɨniŋ, wə muꞌ nə sìꞌ fɨ taa yizɔ. Wə ghɔ́ lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:27

Nwi nə kɔ̀ wutə məshia nsɔꞌsə vɨɨ tɨ́ ŋwiŋ wi, buꞌ laa ŋwə lùu Wuu yinsəŋ Nwi.

Akts 14:10

Pɔɔl ye nɨniŋ, gì tɨ́ wə ghɔ́ nə gɨ yishaꞌsə laa, «Ndɔ yizɔ, tɨ̀ŋnə nə fəŋ ghə!» Wə ghɔ́ sawnə, tɨ̀ŋnə yizɔ, tòꞌ.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Akts 9:34

«Anias, Yeso Kristo shùꞌ ghɔ. Ndɔ yizɔ, nàysə fwaŋ kə!» Sheꞌ yighee muꞌ ŋwə ndɔ.

Akts 9:40

Pita fuusə vəŋ vənshə fu, tùŋ vətɔ vəyəə vi nsi, shɔꞌtə Nwi, kɨ nii kìasə ŋwaa wi maa ŋku wə kɔ́, gì laa, «Tabita, ndɔ yizɔ!» Wəzwi ghɔ́ ŋaꞌsə sɨ ghi, yè Pita, ndɔ dùꞌnə.

Reveleyshən 1:13

yè wə mɔ́ꞌ faŋ ŋwə fɨnə Wuu yinsəŋ Nwi. Ŋwə nə dùꞌ nɨntəŋ ŋwaa təkiꞌ tɔ́, mɔ̀ꞌ dalə maa ŋwə, kà təŋii ti nə kɔtə goolə .