Lukas 3:13 - Vengo (Babungo)

¹³ Ŋwə gi tɨ́ vəŋ laa, kɨ vəŋ fi fa shɔ̀ɔ faŋ vɨ shìa tɨ́ vəŋ me.

Lukas 3:13 ပူးပေါင်းရင်းမြစ်များ

Matiu 7:12

Vənu vənshə faŋ viŋ kəə laa vɨɨ kɨ yɨsə maa viŋ, viŋ kɨ yɨsə maa vəŋ nɨzi. Lùu nu ŋkɨə faŋ ŋkə lùu taa ŋwaꞌlə ntɨsə Nwi nə taa ŋwaꞌlə nshiisə-ŋii sɔghɔ.

Lukas 19:8

Zakiɔs tɨŋnə vɨsɨ tɨta Yeso, gì tɨ́ ŋwə laa, «Tɨta, mə taa gaasə vətɔ vaŋ vəway vəbɔɔ, kɔ̀ way kəmuꞌ tɨ́ vɨɨ ŋɨꞌ. Kɨ luu laa mə nə fùŋsə fa wə, buu mə taa bəŋsə tɨ́ ŋwə ghee shwe.»

Lukas 3:12

Vəgaa-njɔŋsə jwi nɨzi maa məfi muu mə Nwi, bìtə tɨ́ ŋwə laa, «Tɨta, bàw yia yɨ kə?»

Lukas 3:14

Vəsogeꞌ nɨzi bitə tɨ́ ŋwə laa sii kaꞌ vəŋ yɨ kə? Ŋwə gi tɨ́ vəŋ laa, kɨ vəŋ fi fa wə nə wutə me, tɨꞌnə me sɨ̀ɨ ba tɔ wə me, baa nə laa vəŋ goꞌsə sheꞌ nə ka faꞌ vəŋ faŋ vɨ ndɔꞌ vəŋ shɔ nə.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

Efesɔs 4:28

Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.