Lukas 24:27 - Vengo (Babungo)

²⁷ Ŋwə gi tɨ́ vəŋ nɨniŋ, kɨ nii zì kɨ twelə ŋiꞌ təgi tənshə fɨ taa ŋwaꞌlə Nwi faŋ ntə kɔ̀ŋ wuu məbweysə vɨɨ ghɔ́, zì fɨ taa ŋwaꞌlə Mose, shɔ̀ɔ fɨ taa vəŋwaꞌlə və nshiisə-ŋii sɔghɔ vənshə.

Lukas 24:27 ပူးပေါင်းရင်းမြစ်များ

Mark 4:34

Ŋwə nəə gisə tɨ́ vəŋ sheꞌ maa ghaŋ tii, kɨ gə̀ yiba maa vɨɨ məzwetə nu ki, twèlə tɨ́ vəŋ.

Lukas 24:25

Yeso gi tɨ́ vəŋ laa, «Aŋ viŋ, tɔ kiŋ kee ta ley maa nu kɔ́ yimu? Fwi siŋ bwà maa məbiŋ vənu vənshə faŋ nshiisə-ŋii sɔghɔ nə nàysə nə mu?

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:41

Aysaya nə gì vənu vɔ́ buꞌ laa ŋwə nə kɨ̀ɨ nə yikwalə Yeso. Ŋwə nəə gisə vənu vɔ́ kɔ̀ŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:37

Nɨniŋ, nshɨ-tɔ Tii ŋwaa faŋ ŋwə nə tɔ̀ŋ mə nə, bìŋ mə. Luu nə, viŋ nə kee ta zɔ̀ gɨ yi me, tɨꞌnə me yè ŋwə nə yisɨ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 3:18

Nɨniŋ, Nwi nə yɨ̀ nɨniŋ, laa nu ŋkɨə faŋ nshiisə-ŋii sɔghɔ vənshə nə fɨ̀ꞌtə, faynə, fɔnə faŋ vəŋ nə nàysə laa Kristo, wuu məbweysə ŋwaa-nsiŋ, ndɔ ye ŋɨꞌ.

Akts 3:22

Fɨshi Mose nə gì laa, «Tɨta Nwi ndɔ tɔŋ nshiiŋii-sɔghɔ tɨ́ viŋ, sheꞌ faŋ ŋwə nə tɔ̀ŋ mə nə. Nshiiŋii-sɔghɔ yɔ́ ndɔ luu wə fɨ maa vɨɨ viŋ. Viŋ taa zɔnə ŋwə maa vənu vənshə faŋ ŋwə ndɔ naysə tɨ́ viŋ.

Akts 3:24

Nshiisə-ŋii sɔghɔ vənshə nə gì nu buꞌ ŋuꞌsə mbi sə̀ nɨzi, zì fɨ maa Samuel, kɔ tɨ́ nshiisə-ŋii sɔghɔ vənshə faŋ vəŋ nə bèꞌsə ŋwə nə.

Akts 7:37

Mose ghɔ́ baa lùu wə ntɨə faŋ ŋwə nə gì tɨ́ vɨɨ Isirayl laa Nwi ndɔ baa shoꞌ nshiiŋii-sɔghɔ mɔ́ꞌ fɨ taa ŋwaa vəŋ, sheꞌ faŋ ŋwə nə shòꞌ Mose nə.

Akts 8:35

Filip tey kɨ gisə sheꞌ buꞌ shəŋ ŋwaꞌlə kɔ́, nàysə ntɔŋ yijəə Nwi tɨ́ ŋwə kɔ̀ŋ Yeso.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.