Lukas 23:33 - Vengo (Babungo)

³³ Vəŋ kɨ ziꞌ maa shəŋ ŋkɨə faŋ vɨ tii nə shəŋ ghutə tɔ wə, vɨ bey Yeso fuu fəŋkɔꞌ fə ŋkɨꞌsə yifi, bèy vəyɨ-vəbwəvə vɔ́ shɔ nɨzi, wuu mɔ́ꞌ maa kwiŋ Yeso maꞌnə, wuu mɔ́ꞌ maa kwiŋ ŋkwii.

Lukas 23:33 ပူးပေါင်းရင်းမြစ်များ

Matiu 20:19

buu kɔ ŋwə tɨ́ vɨɨ tətɔŋ fu laa vəŋ shɨꞌ ŋwə, sàŋ ŋwə nə vəmfa, bèy ŋwə fuu fəŋkɔꞌ fə ŋkɨꞌsə, ŋwə ku. Vəshi kɨ ziꞌ vətia, ŋwə ywey fɨ shɨ yiku.»

Matiu 26:2

«Bàw viŋ kɨɨ laa gòꞌ vəshi vəbɔɔ, shi zwisə Pasa kùꞌ. Ndɔ luu maa yighee yɔ́, vɨ ndi Wuu yinsəŋ Nwi, bèy ŋwə fuu fəŋkɔꞌ fə ŋkɨꞌsə, ŋwə ku.»

Lukas 24:7

Maa ŋwə nə nàysə tɨ́ viŋ laa vɨ ndɔ kɔ Wuu yinsəŋ Nwi taa ghɔ vɨɨ bwənə, baa nə laa vɨ bey ŋwə fuu fəŋkɔꞌ fə ŋkɨꞌsə, vəshi kɨ ziꞌ vətia, ŋwə ywey.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:32

Ŋkə nə gày nɨniŋ, laa Yeso ku yiku maa jɨɨ njyə faŋ ŋwə nə duꞌtə ŋwə naysə tɨ́ vɨɨ laa yi ndɔ ku nyə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:14

Ŋkee fɨ shi Mose nə ndì zɔ faŋ vɨ nə nàysə fɨ maa bwey, bèy maa tɨ, shàꞌsə yizɔ taa tɔɔ waꞌsə. Sheꞌ nee, vɨ ndɔ ghaa shaꞌsə Wuu yinsəŋ Nwi yizɔ.

Akts 13:29

Nɨniŋ, vəŋ yɨ vənu vənshə faŋ vɨ nə ŋwàꞌlə buꞌ ŋwə taa ŋwaꞌlə Nwi. Vɨ kɨ nii sùꞌsə ŋwə fɨ mbɨɨ tɨ ŋkɨꞌsə, nùŋ ŋwə taa swi.

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 5:30

Nwi faŋ lùu Nwi vətɨɨ vaŋ-nsiŋ, ywèysə Yeso fɨ shɨ yiku, ŋkee Yeso ŋgwə faŋ viŋ nə bèy ŋwə fuu fəŋkɔꞌ, ŋwə ku.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»