Lukas 22:30 - Vengo (Babungo)

³⁰ Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Lukas 22:30 ပူးပေါင်းရင်းမြစ်များ

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Matiu 8:11

Mə baa luu naysə tɨ́ viŋ laa vɨɨ vəyaŋ ndɔ ndɔ̀ fɨ ntɔŋ-shɨshwi, nə fɨ mfiŋ-shɨshwi, jwì nɔ̀ŋ nsi ghɔ vətɨɨ vaŋ-nsiŋ Abraham nə Isak nə Jeykob maa yighee njyə faŋ nu yifwàŋ yizɔ ndɔ jwi, kɨ zɨ vətɔ.

Lukas 12:37

Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.

Lukas 14:15

Wə muꞌ fɨ taa ŋwaa vɨɨ vɔ́, faŋ ghɔ vɨ vəŋ nə dùꞌ mɔ́ꞌ kɨ zɨ nə, zɔ nu kɔ́, gì laa, «Mənɔŋ-bwaŋnə tɨ́ wə ntɨə faŋ ŋwə ndɔ ŋii nu yifwàŋ Nwi, zɨ̀ fazɨ fɨ fuŋ!»

2 Timoti 2:12

Nsiŋ kɨ luu jìa fwi taa ŋɨꞌ, buu nsiŋ vɨ vəŋ ndɔ kɨ sɔꞌ mbi mɔ́ꞌ. Kɨ luu nsiŋ twey ŋwə, buu ŋwə ndɔ twey nsiŋ nɨzi.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

Reveleyshən 19:9

Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 4:4

Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.