Lukas 22:29 - Vengo (Babungo)

²⁹ Nɨniŋ, mə taa kɔ wutə məsɔꞌ vɨɨ tɨ́ viŋ, sheꞌ faŋ Tii ŋwaa fɨ yizɔ nə kɔ̀ tɨ́ mə.

Lukas 22:29 ပူးပေါင်းရင်းမြစ်များ

Matiu 24:47

Mə naysə tɨ́ viŋ yinsəŋ laa tɨɨ faꞌ wi taa meꞌtə vətɔ vi vənshə tɨ́ wuu faꞌ ghɔ́, laa ŋwə kɨ ndeynə.

Matiu 25:21

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 5:10

Mənɔŋ-bwaŋnə tɨ́ vɨɨ mbɨə faŋ vɨ shoꞌ ghuu vəŋ buꞌ məzɔnə nə vənu vəloomə faŋ vəŋ yɨsə, fɔnə nu yifwàŋ yizɔ lùu tɨ́ vəŋ.

Matiu 5:3

«Mənɔŋ-bwaŋnə tɨ́ vɨɨ mbɨə faŋ vəŋ dùꞌ yaa mbəəsə vɨsɨ Nwi (faŋ vəŋ kɨꞌ vənu vənshə sheꞌ fɨ ghɔ Nwi,) fɔnə nu yifwàŋ yizɔ lùu tɨ́ vəŋ.

Lukas 12:32

Nɨniŋ, kɨ viŋ kɨ fee me, faŋ viŋ kɔlə lùu sheꞌ yaa wee-nwaa bisə-njɨɨ, buꞌ laa too Tii wiŋ, tɨta Nwi, nə bàw maa məndɔ kɔ nu yifwàŋ Nwi tɨ́ viŋ.»

Lukas 19:17

Ŋwə bəŋsə tɨ́ wə ghɔ́ laa, «A lùu wuu faꞌ jəə. A yɨ̀ jəə; a nə ndì yighee maa wee-fɨ-fa, a taa kɨ sɔꞌ ntɨꞌsə yighuŋ.»

1 Kɔrintian 9:25

Wə tɨ̀ me wə faŋ ŋwə gì laa yi taa sɨɨnə ghuu, lootə ŋwaa wi ŋkee jəə, mèꞌtə vənu vəyaŋ, tɨ́ kaꞌ ŋwaa wi weꞌ. Ŋwə yɨ̀sə nɨniŋ laa ŋwə kìi vəkeynə. Vəkeynə mbɨə faŋ ŋwə kəə mbə nə, lùu fa faŋ kaꞌ ŋkə bɨ. Luu nə, vəkeynə mbɨə faŋ nsiŋ tə̀ sɨ shɔ laa nsiŋ taa kii nə, lùu məbwey vəlwaŋ faŋ kaꞌ ŋwə kee ndɔ bɨ me.

2 Kɔrintian 1:7

Nɨniŋ, yia kɔꞌ kɨɨ, baa nùŋ fwi sia maa Nwi dɨdɨꞌ, laa Nwi boolə viŋ nɨzi maa yighee njyə faŋ viŋ ye ŋɨꞌ.

2 Timoti 2:12

Nsiŋ kɨ luu jìa fwi taa ŋɨꞌ, buu nsiŋ vɨ vəŋ ndɔ kɨ sɔꞌ mbi mɔ́ꞌ. Kɨ luu nsiŋ twey ŋwə, buu ŋwə ndɔ twey nsiŋ nɨzi.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.