Lukas 22:26 - Vengo (Babungo)

²⁶ Kɨ ŋkə kee lùu nɨniŋ taa ŋwaa viŋ me. Bàw ŋkee wuu kwalə fɨ taa ŋwaa viŋ luu yaa ŋkee weembwa. Nshɔɔ vɨsɨ lùu yaa wuu faꞌ.

Lukas 22:26 ပူးပေါင်းရင်းမြစ်များ

Matiu 20:26

Kɨ ŋkə kee ndɔ luu nɨniŋ taa ŋwaa viŋ me! Wə ntɨə faŋ ŋwə kəə lùu wuu kwalə taa ŋwaa viŋ, bàw ŋwə luu wuu faꞌ wiŋ.

Mark 10:43

Kɨ ŋkə lùu nɨniŋ taa ŋwaa viŋ me! Wə ntɨə faŋ ŋwə kəə lùu wuu kwalə taa ŋwaa viŋ, bàw ŋwə lùu wuu faꞌ wiŋ.

Mark 9:35

Yeso duꞌnə nsi, tìi vɨɨ məzwetə nu ki njɔsə-bɔɔ, gì tɨ́ vəŋ laa, «Kɨ ghaŋ wə kəə lùu vɨsɨ, ŋwə kɨ tɨŋnə yiba, faꞌ tɨ́ vɨɨ vənshə.»

Lukas 9:48

gì tɨ́ vəŋ laa, «Wə ntɨə faŋ ŋwə ndì wee ŋwə̀, kɨ gaŋtə maa yizii nyaa, buu ŋwə gàŋtə luu mə. Wə ntɨə faŋ ŋwə gàŋtə mə, gàŋtə wə ntɨə faŋ ŋwə nə tɔ̀ŋ mə nə. Wə faŋ luu ŋkee wuu tɨtiꞌ fɨ taa ŋwaa viŋ, buu lùu wuu kwalə.»

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

1 Pita 5:3

Kɨ viŋ kɨ sɔꞌ vɨɨ mbɨə faŋ vɨ nùŋ taa ghɔ viŋ nə məshəsə me. Bàw viŋ luu shwenə tɨ́ nwaa bisə ghɔ́.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»