Lukas 22:20 - Vengo (Babungo)

²⁰ Vəŋ kɨ metə maa məzɨ, ŋwə baa ndì ndaw məluꞌ nɨzi, gì laa, «Ndaw məluꞌ nyə̀ lùu mənshi maa, faŋ mə ndɔ tutə tɔ viŋ, laa viŋ vɨ Nwi gwia məkee məfimə.]

Lukas 22:20 ပူးပေါင်းရင်းမြစ်များ

Matiu 26:28

lùu mənshi maa nə, faŋ vɨ tù buꞌ vɨɨ vənshə maa məndisə yibɨsə vəŋ. Lùu məkee məfimə faŋ Nwi gwìa tɨ́ viŋ.

Mark 14:24

Ŋwə gi tɨ́ vəŋ laa, «Lùu mənshi maa faŋ mə taa tutə tɔ vɨɨ vəyaŋ. Mə ndɔ ku tɔ vəŋ, tɨ́ kɨ kaꞌ vəŋ gwia məkee məfimə ghɔ vɨ Nwi.

1 Kɔrintian 11:25

Faŋ vəŋ nə zɨ, tɨta Yeso baa ndɨ̀ ndaw məluꞌ, gì laa, «Ndaw nyə̀ lùu shwenə məkee məfimə faŋ Nwi gwìa tɨ́ vɨɨ buꞌ mənshi maa. Viŋ taa kɨ yɨsə nɨniŋ ghee nshə faŋ viŋ nu məluꞌ mbɔ́ nə. Nɨniŋ maa məlumə mə.»

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

Hibru 12:24

Viŋ baa luu jwì yɨ Yeso faŋ Nwi nə gwìa məkee məfimə buꞌ ŋwə nə. Viŋ ndɔ ŋii maa shəŋ kɔ́ buꞌ mənshi mə Yeso, faŋ ŋwə nə kù tɔ nsiŋ nə. Nu mənshi mə Yeso bàw shɔ̀ɔ nu ŋkɨə faŋ mənshi mə Abel nə də̀ nə.

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Hibru 9:17

Maa yighee njyə faŋ wə kɨ bii bwey, kaꞌ wə kee zɨ tɔ ki me. Ŋkə taa jwi ziꞌ maa yighee njyə faŋ ŋwə kù, buu nu ŋkɨə faŋ ŋwə nə tə̀, kìi wutə. Nu məkee luu sheꞌ nɨniŋ.