24 Vɨɨ shɨ və̀ ndɔ kɨ kukə fɨ ghɔ baꞌ yighaw, vɨ jiatə vəŋ maa vəbuꞌ və yighaw, fiŋtə vətɔŋ vətɔŋ. Vɨɨ tətɔŋ fu jeꞌtə Jerusalem nsi, gə ziꞌ tɨ́ shi ŋkɨə faŋ yighee vɨɨ tətɔŋ fu vɔ́ ndɔ shɔɔ.»
(Yeso baa gì laa,) «Vəshwenə faŋ mbə fesə vɨɨ ndɔ fuu taa shɨshwi, nə taa ŋuu nə məjwiŋ. Mfuŋ ŋii ŋgwisə vɨɨ fɨ shɨ nsi. Nduŋ sɨɨ vɨɨ buꞌ fɨŋ faŋ ŋkə koꞌ fɨ taa mamuu, nə vəba və muu faŋ mbə shɨshɔɔ ŋkee nə wutə.
Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,
Vəŋ nə ŋìi taa wisə biinə, nu kee kɔ̀ŋ vəŋ me. Vəŋ nə baa nyɨ̀ŋkə fɨ ghɔ yighaw. Nwi nə kɔ̀ wutə tɨ́ vəŋ faŋ vəŋ nəə bɨbwa. Vəŋ nə gù vɨɨ yighaw weꞌnə, jɔ̀ŋ məshɨ mə tɔŋ məmɔ́ꞌ, vəŋ nyɨŋkə.
Luu nə, mèꞌtə nɨntəŋ fu faŋ ŋwə kìa ŋii Nwi nə, kee fɨ̀ꞌ me, buꞌ laa Nwi kɔ̀ tɨ́ vɨɨ tətɔŋ fu. Vəŋ taa kɨ jeꞌtə shɨ Jerusalem, faŋ nə luu shɨ ley tɨ́ Nwi nə, maa təŋuu njɔsə-bɔɔ muu-yinshwe.