Lukas 21:20 - Vengo (Babungo)

²⁰ (Yeso baa gì laa,) «Viŋ zɔ! Viŋ ndɔ kɨ ye vəsogeꞌ kia Jerusalem, viŋ kɔꞌ kɨ nii kɨɨ laa yighee kəndi yi kuꞌnə.

Lukas 21:20 ပူးပေါင်းရင်းမြစ်များ

Matiu 24:15

Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨ̀sə taa ŋii Nwi, duꞌ maa shəŋ ley Nwi, sheꞌ faŋ nshiiŋii-sɔghɔ Daniel nə fɨꞌtə nə,

Mark 13:14

Yeso baa gì laa, «Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨsə shəŋ ley, tɨŋnə shəŋ ŋkɨə faŋ ŋkə kee bàw laa ŋkə tɨŋnə shɔ me, bàw vɨɨ mbɨə faŋ vəŋ lùu shɨ Judia nyɨŋkə, gə̀ ndènə taa təkweꞌ! Wə faŋ ŋwə tii shəŋ ŋwaꞌlə kə̀, kwaꞌtə tɔ ki, kɨ kɨɨ nə ŋiꞌ ki.

Lukas 19:43

Ndɔ luu maa ŋuꞌsə mbi səmɔ́ꞌ, nsɔꞌ jia ghɔ. Vɨɨ mbeenə və fuu, jwì nə yighaw maa ghɔ, kìa ghɔ, gɨ̀ŋtə ghɔ təkwiŋ tənshə,

Lukas 21:7

Vəŋ bitə tɨ́ ŋwə laa, «Tɨta, nu kɔ́ ndɔ gay ndəəkə? Shwenə ŋkɨə faŋ vɨ ndɔ ye, buu nu kɔ́ gay nə, lùu kə?»

Hibru 11:30

Nə baa luu buꞌ məbiŋ vɨɨ Isirayl, faŋ vəŋ nə nùŋ fwi vəŋ maa Nwi, laa ŋkɔꞌ ntɨꞌ Jeriko bɨꞌkə gù nsi. Nə luu ŋkɔꞌ yiweꞌ faŋ vɨ nə bɔ̀ŋ nə ŋoꞌsə, faŋ nyə nə kìa ntɨꞌ Jeriko kənshə. Yighee njyə faŋ vɨɨ Isirayl nə toꞌ kìa ŋkɔꞌ yɔ́ maa vəshi kwatia, Nwi yɨsə ŋkɔꞌ yɔ́ gu.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.