Lukas 20:36 - Vengo (Babungo)

³⁶ Luu nɨniŋ buꞌ laa kaꞌ vəŋ ndɔ kee baa kùkə me. Vəŋ ndɔ luu sheꞌ yaa nshiisə-ŋiisə Nwi, baa luu ŋkee vaŋ Nwi, buꞌ faŋ Nwi yweysə vəŋ fɨ shɨ yiku nə.

Lukas 20:36 ပူးပေါင်းရင်းမြစ်များ

Matiu 22:30

Yighee njyə faŋ vɨɨ ndɔ ywey fɨ shɨ yiku, vəŋ kee ndɔ ndaa vəki me, vəki kee ndàa vəndɔŋ me. Vəŋ ndɔ luu sheꞌ yaa nshiisə-ŋiisə Nwi.

Mark 12:25

Yighee njyə faŋ vɨɨ ndɔ ywey fɨ shɨ yiku, vəŋ ndɔ luu sheꞌ yaa nshiisə-ŋiisə Nwi; wəndɔŋ kee baa ndàa wəzwi me, wəzwi kee baa ndàa wəndɔŋ me.

Roma 8:16

Zwitə Ley Nwi kɔ́ faynə ŋwaa ghɔ zwitə kaŋ-nsiŋ tɨ́ kaꞌ nsiŋ kɔꞌ kɨɨ laa nsiŋ lùu vaŋ Nwi.

1 Kɔrintian 15:26

Maa məndwə, ŋwə ndɔ kɨ ghɔꞌ yiku nɨzi, faŋ luu ŋkee wuu mbeenə Kristo. Ŋwə ndɔ ndisə yiku nɨzi.

1 Kɔrintian 15:42

Luu sheꞌ nɨniŋ nə ŋwaa wə faŋ ŋwə ndɔ kɨ ywey fɨ ghɔ yiku nə. Vɨ yaa təə wə, ŋwə shuu. Luu nə, yighee njyə faŋ Nwi yweysə wə ghɔ́ fɨ shɨ yiku, ŋwə fi ŋwaa wi mɔ́ꞌ faŋ ŋwə kee baa shɨshuu me.

1 Kɔrintian 15:49

Ndwə nsiŋ lùu yaa wə ntɨə faŋ Nwi nə bɔ̀ŋ nə shɔꞌ nə. Shi mɔ́ꞌ nsiŋ ndɔ luu yaa wə ŋgwii-wə faŋ ŋwə nə jwì fɨ yizɔ nə.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

Reveleyshən 20:6

Mənɔŋ-bwaŋnə tɨ́ wə ntɨə faŋ ŋwə ndɔ ywey maa yighee yɔ́, ghɔ vɨ vɨɨ vɨsɨ nə, ŋwə luu ŋkee wuu Nwi. Yiku lwesə ghee bɔɔ kee ndɔ jia vɨɨ vɔ́ me, vəŋ ndɔ kɨ feꞌ Nwi nə Kristo, ghɔ vɨ Kristo kɨ sɔꞌ mbi maa ŋuꞌ yɔ́ ŋkaŋ nə.

Reveleyshən 21:4

tɔ̀ŋsə mənsɨ fɨ sɨ vəŋ. Yiku kee baa lùu shɔ me. Məluŋ nə yigwia nə ŋɨꞌ kee baa lùu shɔ me, buꞌ laa mbi yimwa shɔ̀ɔ.»

Reveleyshən 22:9

Luu nə, ŋwə gi shee laa, kɨ mə yɨ me, baa nə laa yi lùu wuu faꞌ Nwi yaa mə, nə yaa vaŋ-nshwi vaŋ, faŋ vəŋ luu nshiisə-ŋii sɔghɔ, nə vɨɨ vənshə faŋ vəŋ nùŋsə yigi nyə̀ fɨ taa ŋwaꞌlə ŋwə̀, baa nə laa, bàw mə kɨ bəŋsə luu Nwi.