Lukas 20:17 - Vengo (Babungo)

¹⁷ Ŋwə ndeynə vəŋ, gì laa, «Maa vɨ nyɔ̀ꞌ taa ŋwaꞌlə Nwi laa, «Ŋkee ŋoꞌ njyə faŋ vɨɨ məbɔŋ ŋii nə twèy, gù ŋoꞌ maa məbɔŋ mfay ŋii.» Ŋiꞌ shəŋ ŋwaꞌlə Nwi kɔ́ sii lùu laa kə?

Lukas 20:17 ပူးပေါင်းရင်းမြစ်များ

Matiu 21:42

Yeso gi tɨ́ vəŋ laa, «Maa viŋ nə ta tìi fɨ taa ŋwaꞌlə Nwi laa, «Ŋoꞌ njyə faŋ vɨɨ məbɔŋ ŋii nə mèꞌ, kiasə gù ŋoꞌ məbɔŋ mfay ŋii. Lùu nu faŋ yɨ Tɨta Nwi. Luu ŋkee nu jəə sɨ nsiŋ.»

Mark 10:23

Yeso kɨ nii kìasə, ndèynə vɨɨ məzwetə nu ki, gì tɨ́ vəŋ laa, «Ŋkə ndɔ lùu ŋkee kəweꞌ tɨ́ vɨɨ faŋ vəŋ kìi təka maa məzɨ nu yifwàŋ Nwi.»

Mark 12:10

Yeso nə gì yigisə tii yɔ́, kɨ nii gì tɨ́ vəŋ laa, «Maa viŋ ta tìi shəŋ ŋwaꞌlə Nwi ŋkɨə faŋ ŋkə gì laa, «Ŋoꞌ njyə faŋ vɨɨ məbɔŋ ndɔꞌ twèy nyə, kìasə gu ŋoꞌ maa məbɔŋ mfay ŋii.

Mark 3:5

Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Lukas 19:41

Ŋwə gə, kɨ ziꞌ nshənə fɨ ntɨꞌ Jerusalem, kɔ̀ tɔ, yè ntɨꞌ yɔ́, gwia buꞌ ntɨꞌ yɔ́,

Lukas 22:37

Mə naysə tɨ́ viŋ laa, nu ŋkɨə faŋ vɨ nə nyɔ̀ꞌ taa ŋwaꞌlə Nwi, taa ghaa gay maa mə. Nu kɔ́ faŋ vɨ nə nyɔ̀ꞌ buꞌ mə nə, lùu laa, «Vɨ nuŋsə wə ghɔ́ taa ŋwaa vəyɨ-kəbwə.» Yinsəŋ, yigi yɔ́ taa faynə maa mə.»

Lukas 22:61

Tɨta Yeso kiasə ŋwaa, ndèynə Pita. Pita lumə nu ŋkɨə faŋ tɨta Yeso nii gì tɨ́ ŋwə laa, ŋkɨꞌ kee taa taw ndee me, a twey mə ghee tia.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:25

Ŋkə gày nɨniŋ maa məfaynə nə nu ŋkɨə faŋ vɨ nə nyɔ̀ꞌ taa ŋwaꞌlə Nwi laa, «Mə kee kɔlə gù nu me, vɨ bèe mə day.»

Akts 4:11

Yeso lùu ŋoꞌ njyə faŋ viŋ, vɨɨ məbɔŋ ndɔꞌ, nə mèꞌ, nyə kiasə gù ŋoꞌ mfay ŋii, sheꞌ faŋ vɨ nə nyɔ̀ꞌ taa ŋwaꞌlə Nwi.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

1 Pita 2:6

Maa vɨ nə nyɔ̀ꞌ taa ŋwaꞌlə Nwi laa, Nwi gì laa, «Viŋ zɔ! Mə nùŋsə ŋoꞌ yimɔ́ꞌ shɨ Zayon, faŋ mə nə shoꞌ laa lùu nyaa, ŋkee ŋoꞌ mfay ŋii yijəə. Wə ntɨə faŋ ŋwə nùŋ fwi yi maa ŋoꞌ yɔ́, kaꞌ tɔ ki kee ndɔ dɨɨ me.»