Lukas 19:38 - Vengo (Babungo)

³⁸ Vəŋ luꞌ laa, «Mənɔŋ-bwaŋnə tɔ wə ntɨə faŋ ŋwə jɨjwi yaa fwàŋ maa yizii tɨta Nwi. Mənɔŋ-bwaŋnə lùu taa yizɔ, nə məbəŋsə maa yizii Nwi fɨ yizɔ.»

Lukas 19:38 ပူးပေါင်းရင်းမြစ်များ

Matiu 2:2

jwi bìtə laa, «Wee ŋgwə faŋ vɨ bì ŋwə maa fwàŋ vɨɨ Jus nə bə? Yia nə yè fəjwiŋ fi fuu faŋ yia nə luu ntɔŋ-shɨshwi. Yia jwi laa yia jwi shɔ̀ꞌtə ŋwə.»

Matiu 21:9

Vɨɨ mbɨə faŋ vəŋ nə shɔɔ vɨsɨ, baa nə vɨɨ mbɨə faŋ vəŋ nəə jwi fɨ yiba jɨŋ Yeso, luꞌ laa, «Məbəŋsə tɨ́ wee wee fwàŋ Deyvid! Mənɔŋ-bwaŋnə tɨ́ wə ntɨə faŋ ŋwə jwi maa yizii tɨta Nwi! Məbəŋsə lùu yizɔ!»

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 25:40

Fwàŋ taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu ŋkɨə faŋ viŋ nə yɨ̀ ŋkee maa wuu tɨtiꞌ fɨ taa ŋwaa vaŋ-nshwi vaŋ, viŋ yɨ̀sə lùu maa mə.»

Lukas 13:35

Viŋ zɔ! Vɨ ndɔ meꞌtə viŋ shɔ. Ŋii yiŋ ndɔ ndi. Viŋ zɔ! Mə baa naysə tɨ́ viŋ laa viŋ ndɔ kee baa ye mə me, ziꞌ tɨ́ yighee njyə faŋ viŋ ndɔ gi laa, «Mənɔŋ-bwaŋnə tɔ wə ntɨə faŋ ŋwə jɨjwi maa yizii tɨta Nwi.»

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

Efesɔs 1:12

Nɨniŋ laa vɨɨ kɨ bəŋsə yikwalə Nwi buꞌ nsiŋ. Lùu nɨniŋ tɨ́ yia faŋ yia nə duꞌtə yia nuŋ fwi sia maa Kristo maa yighee vɨsɨ.

Efesɔs 1:6

laa nsiŋ kɨ bəŋsə nu ŋkɨə faŋ Nwi gaŋtə nsiŋ shɔ nə, faŋ ŋkə bàw shɨlə nə. Ŋwə nə kèe gəŋ saŋ-nsiŋ buꞌ ŋwiŋ wi faŋ ŋwə kaw ŋwə dɨdɨꞌ.

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Efesɔs 3:21

Nɨniŋ, faŋ nsiŋ lùu fa kəmuꞌ, nsiŋ vɨ Yeso Kristo nə, nsiŋ kɨ bəŋsə Nwi yəəsə yəəsə, gə ziꞌ maa vəndwə və mbi. Ŋkə gòꞌ nee.

Kɔlɔsii 1:20

Nwi nə baa tə laa vɨɨ vənshə bəŋ jwì, gù fa kəmuꞌ, ghɔ vɨ Nwi, fɨ yiba Kristo. Nwi nə yɨ laa Kristo kù fuu fəŋkɔꞌ fə ŋkɨꞌsə, tɨ́ kaꞌ vətɔ vənshə fɨ yizɔ nə fɨ nsi kiasə, kee baa lùu vɨɨ mbeenə vi me, luu nə, gù vɨɨmba vi buꞌ mənshi mə Kristo faŋ ŋwə nə tùtə nə.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.