Lukas 18:31 - Vengo (Babungo)

³¹ Yeso kɨ nii ndì vɨɨ vi njɔsə-bɔɔ nə, ghɔ vɨ vəŋ shəŋtə. Ŋwə gi tɨ́ vəŋ laa, «Viŋ zɔ! Nsiŋ koꞌ gə Jerusalem ndwə. Nsiŋ taa ziꞌ shɔ, vənu vənshə faŋ nshiisə-ŋii sɔghɔ nə nyɔꞌ taa ŋwaꞌlə Nwi kɔ̀ŋ Wuu yinsəŋ Nwi, taa faynə, gay maa ŋwə.

Lukas 18:31 ပူးပေါင်းရင်းမြစ်များ

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 27:63

gì laa, «Tɨta, yia lumə laa wuu təba wì nə gì maa yighee njyə faŋ ŋwə nəə kɨ bii mbi, laa yi taa ywey fɨ shɨ yiku faŋ vəshi vətia taa shɔɔ.

Mark 8:9

Vɨɨ mbɨə faŋ vəŋ nə zɨ̀ fazɨ kɔ́, nə luu yaa ŋkaŋsə yishwe. Faŋ vəŋ nə zɨ zwə̀kə nɨniŋ, Yeso kɔ bwey-jəə tɨ́ vəŋ,

Lukas 10:30

Yeso bəŋsə tɨ́ ŋwə laa, «Wuu Jus mɔ́ꞌ nə ndɔ̀ fɨ ntɨꞌ Jerusalem, kɨ siꞌ gə ntɨꞌ Jeriko, ŋìi taa ghɔ vəndɔꞌ. Vəŋ shoꞌtə njwi si, sàŋ ŋwə, mɔ̀ꞌ ŋwə nsi, nyɨŋ, mèꞌtə ŋwə shɔ, ŋwə nə kəə ku.

Lukas 9:22

baa gì tɨ́ vəŋ laa, «Viŋ kɔꞌ kɨɨ laa nu Wuu yinsəŋ Nwi lùu laa ŋwə ndɔ ye ŋɨꞌ yiyaŋ. Vəshɨꞌ vaŋ-nsiŋ nə vɨɨ kwalə məfeꞌ Nwi, nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Vəshi kɨ shɔ̀ɔ vətia, ŋwə ywey fɨ shɨ yiku.»

Lukas 9:51

Yighee njyə faŋ Nwi nəə kəə ndì Yeso, koꞌsə ŋwə yizɔ, nə luu nshənə, Yeso tə sɨ maa məgə ntɨꞌ Jerusalem.