Lukas 18:17 - Vengo (Babungo)

¹⁷ Ŋwə nə baa gi laa, «Viŋ zɔ! Mə naysə ŋkee nu yinsəŋ tɨ́ viŋ laa, wə faŋ ŋwə kee nùŋ fwi yi maa nu yifwàŋ Nwi yaa weembwa me, buu kaꞌ ŋwə kee ndɔ ŋii shɔ me.»

Lukas 18:17 ပူးပေါင်းရင်းမြစ်များ

Matiu 18:3

gì laa, «Viŋ zɔ! Mə naysə ŋkee nu yinsəŋ tɨ́ viŋ laa, viŋ kɨ luu kee kwìinə fwi siŋ, gù yaa vaŋmbwaa me, buu kaꞌ viŋ kee ndɔ ŋii nu yifwàŋ yizɔ me.

Matiu 19:14

Yeso gi laa, «Viŋ meꞌtə vaŋmbwaa jwi yɨ mə. Kɨ viŋ fəŋ vəŋ me, fɔnə nu yifwàŋ yizɔ lùu tɨ́ kəŋ vɨɨ vɔ́.»

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Lukas 18:16

Yeso tii vɨɨ vɔ́ laa vəŋ jwi nə vaŋ vəŋ yɨ yi, gì tɨ́ vɨɨ məzwetə nu ki laa, bàw vɨ meꞌtə vaŋmbwaa, vəŋ jwi yɨ yi, kɨ vɨ baa fə̀ŋ vəŋ me, fɔnə nu yifwàŋ Nwi lùu tɨ́ kəŋ vɨɨ vɔ́ nee.

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Pita 1:14

Faŋ viŋ lùu vaŋ Nwi, zɔnə ŋwə nə, kɨ viŋ baa kɨ yɨsə vənu vəbwəvə mbɨə faŋ viŋ nəə yɨsə yighee vɨsɨ, faŋ viŋ nə kee ta kɨ̀ɨ nə nu Nwi me.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.