Lukas 17:30 - Vengo (Babungo)

³⁰ Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Lukas 17:30 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 24:3

Vəŋ shɔɔ gə̀ dùꞌ fuu baŋ vətɨ və məŋgwə. Vəŋ kɨ dùꞌ yifi, vɨɨ məzwetə nu Yeso shəŋtə jwi yɨ ŋwə, sheꞌ vəŋ vəŋ, gì tɨ́ ŋwə laa, «Naysə yighee njyə faŋ nu kɔ́ ndɔ gay tɨ́ yia, nə shwenə ŋkɨə faŋ ŋkə ndɔ də laa yighee kɨkuꞌ faŋ a ndɔ bəŋ jwi, baa nə faŋ mbi ndɔ ndwə nə.»

Matiu 24:37

Yighee njyə faŋ Wuu yinsəŋ Nwi ndɔ baa bəŋ jwì, ŋkə ndɔ luu sheꞌ faŋ ŋkə nə lùu maa vəshi və Noa.

Matiu 24:39

Vəŋ nə kee yikɨɨ me, gə ziꞌ maa yighee njyə faŋ muu nə fùu, ndìsə vəŋ vənshə. Ŋkə ndɔ luu sheꞌ nɨniŋ maa yighee njyə faŋ Wuu yinsəŋ Nwi ghɔ́ ndɔ bəŋ jwì nə.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Lukas 17:24

Shi ŋkɨə faŋ Wuu yinsəŋ Nwi ndɔ bəŋ jwi shɔ, ŋkə ndɔ luu sheꞌ yaa yibay faŋ nyə ndwaꞌlə fɨ yizɔ, bee shù fɨ kwiŋ nyə̀, gə ziꞌ kwiŋ yì.

Lukas 17:29

zìꞌ maa shi ŋkɨə faŋ Lɔt nə fùu fɨ shɨ Sodom. Wisə kɨ nii fùu fɨ yizɔ, twàŋ vəŋ vənshə, zwìlə.

Lukas 21:22

buꞌ laa Nwi ndɔ bəŋsə nu bwə tɨ́ vɨɨ maa vəshi vɔ́. Vənu vənshə faŋ mbə lùu taa ŋwaꞌlə Nwi taa faynə nɨniŋ.

Lukas 21:27

Vənu vɔ́ ndɔ gay nɨniŋ, buu vɨ kɔꞌ kɨ nii ye Wuu yinsəŋ Nwi, faŋ ŋwə ndɔ baa jwi, tɨ́ ŋwə dùꞌ fuu mbɔꞌ, kɨ jwi ŋkee nə wutə, baa nə feenə.

1 Kɔrintian 1:7

Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

2 Tesalonika 1:7

Ŋwə ndɔ baa kɔ zutə tɨ́ viŋ faŋ viŋ yè ŋɨꞌ fɨ ghɔ vɨɨ ndwə nə. Ŋwə ndɔ kɔ zutə tɨ́ nsiŋ vənshə maa yighee njyə faŋ tɨta Yeso ndɔ fuu fɨ taa yizɔ ntee, kɨ jwi ghɔ nshiisə-ŋiisə Nwi faŋ wutə ki lùu maa vəŋ nə.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.