Lukas 17:26 - Vengo (Babungo)

²⁶ Maa yighee njyə faŋ ŋwə ndɔ bəŋ jwi nə, nu vɨɨ ndɔ luu sheꞌ yaa ŋkə nə luu maa yighee Noa.

Lukas 17:26 ပူးပေါင်းရင်းမြစ်များ

Lukas 17:22

Ŋwə baa kɨ nii gì tɨ́ vɨɨ məzwetə nu ki laa, «Ndɔ luu shi mɔ́ꞌ, viŋ kɨ kəə maa məye mə sheꞌ maa shi kəmuꞌ, kee bee ye me.

Lukas 17:24

Shi ŋkɨə faŋ Wuu yinsəŋ Nwi ndɔ bəŋ jwi shɔ, ŋkə ndɔ luu sheꞌ yaa yibay faŋ nyə ndwaꞌlə fɨ yizɔ, bee shù fɨ kwiŋ nyə̀, gə ziꞌ kwiŋ yì.

Lukas 17:27

Maa yighee Noa, vɨɨ nə zɨ, nu, ndaa, gə̀ məndaa, gə̀ ziꞌ tɨ́ shi ŋkɨə faŋ Noa nə ŋìi taa bay kwalə ki nə. Muu kɨ nii fùu, zwìlə vəŋ vənshə.

Lukas 17:7

(Yeso baa gì laa,) «Wə lùu shɔ taa ŋwaa viŋ faŋ ŋwə kìi buꞌ wi, faŋ ŋwə faꞌ taa biisə, tɨꞌnə me shii bisə, gì tɨ́ ŋwə maa yighee njyə faŋ ŋwə bə̀ŋ fɨ taa biisə, laa ŋwə jwi duꞌnə nsi, zɨ mu? Bey.

Lukas 18:8

Mə naysə tɨ́ viŋ laa, ŋwə ndɔ gaŋtə vəŋ nə nsɔꞌsə vəŋ titi. Gə fɨ maa Wuu yinsəŋ Nwi, vɨɨ ndɔ luu shɔ faŋ vəŋ nùŋ fwisə vəŋ maa ŋwə maa yighee njyə faŋ ŋwə ndɔ bəŋ jwi taa mbi nə mu?»

Hibru 11:7

Gə fɨ maa Noa, yighee njyə faŋ ŋwə nə zɔ̀ nu ŋkɨə faŋ Nwi nəə kəə yɨsə, ŋwə nuŋ fwi yi maa Nwi, faŋ ŋwə nə kee bee kɔlə yè nu kɔ́ nə yisɨ nə me. Ŋwə nə biŋ, zɔ̀nə Nwi, kɔŋ ŋkee bay kwalə, tɨ́ kaꞌ ŋwə ndɔ ŋii tey yi ghɔ vɨ vɨɨ vi, bwèy fɨ ghɔ muu. Faŋ ŋwə nə yɨ̀ nɨniŋ nə, ŋwə də tɨ́ vɨɨ laa nsɔꞌ Nwi ndɔ luu tɔ vəŋ. Ŋwə baa luu gù wə faŋ Nwi nə ndi ŋwə yaa wuu loomə, buꞌ laa ŋwə nə nùŋ fwi yi maa Nwi.

2 Pita 2:5

Gə fɨ maa vɨɨ vɨsɨ faŋ vəŋ nəə yɨ vənu vəbwəvə, Nwi nə kee mèꞌtə vəŋ me. Nwi nə yɨ̀sə laa muu fuu ndìsə vəŋ, faŋ vəŋ nəə kee zɔnə Nwi me. Nə luu sheꞌ Noa ghɔ vɨɨ vi kwatia nə, faŋ Nwi nə bwèysə vəŋ fɨ ghɔ muu mbɔ́, buꞌ laa Noa nəə naysə tɨ́ vɨɨ laa vəŋ kɨ yɨ vənu vəjəəvə.

2 Pita 3:6

Nə baa luu ŋkee muu faŋ Nwi nə ndì maa məbɨsə mbi yimwa yɔ́ shɔ, yighee njyə faŋ muu nə fùu, lwàŋ shɨ nsi, zwìlə vɨɨ vənshə.