Lukas 15:29 - Vengo (Babungo)

²⁹ Ŋwə bəŋsə tɨ́ tii wi laa, «Maa mə nə faꞌ tɨ́ ghɔ maa ŋuꞌsə səyaŋ, kee ta bɨ̀ꞌ fəntɨ fə me, a kee ta kɔ sheꞌ wee-bi shee me, tɨ́ kaꞌ mə yɨsə vəlɔꞌ shɔ, yia vɨɨmba vaŋ.

Lukas 15:29 ပူးပေါင်းရင်းမြစ်များ

Matiu 20:12

gisə laa, «Maa vɨɨ vì faŋ vəŋ nii jwì fɨ yiba nə, vəŋ nii fàꞌ faꞌ vəŋ sheꞌ maa wee-fɨ-kuŋtə yighee. A tə yia vɨ vəŋ nɨndɨŋ, faŋ yia nii fàꞌ shi ŋkwəŋ, fàꞌ ŋkee taa shɨshwi ndɔŋ nə.»

Lukas 15:28

Fwi weenshu wi ghɔ́ shə. Ŋwə twey fɨ ŋii fu vəŋ. Tii wi fuu fu, bòolə ŋwə.

Lukas 15:30

Luu nə, ŋwiŋ wə wì jwì, faŋ ŋwə nə ndɔ̀ fɨ yɨ ghɔ, gə̀ zɨ̀ ka wə ghɔ vəki sakə, bə̀ŋ jwì, a zwi ŋkee wee-nyaa kwalə tɨ́ ŋwə.»

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Lukas 17:10

Gə fɨ maa viŋ, faŋ viŋ yɨ̀sə vənu vənshə faŋ Nwi nùŋsə tɨ́ viŋ, bàw viŋ kɨ nii gì laa, «Yia luu sheꞌ vəbuꞌ, yɨ sheꞌ nu ŋkɨə faŋ vɨ nàysə tɨ́ yia, faŋ lùu faꞌ wia nə.»

Lukas 18:9

Yeso baa tìi yigisə tii yimɔ́ꞌ buꞌ vɨɨ faŋ vəŋ nə shìasə vɨɨ mɔ́ꞌ, bɨꞌtə laa vənu vəvəŋ luu vəloomə shɔɔ ŋkə vɨɨ mɔ́ꞌ. Ŋwə nə gì laa lee,

Lukas 19:21

Mə nəə fee ghɔ, buꞌ laa a lùu tɨɨ məshəsə. A yaa kɨ ndi fa fɨ nsi faŋ a nə kee yinuŋsə me, baa shwi faŋ a nə kee yisɔ me.»

Roma 10:3

Vəŋ kee kɨ̀ɨ nə jɨɨ njyə faŋ Nwi kiasə nu wə ŋkə loomə me. Vəŋ kəə kɨ yɨsə nu loomə luu maa nshɨ-tɔ vəŋ. Nɨniŋ, vəŋ kee fìŋ tɔ vəŋ tɨ́ Nwi, laa ŋwə kwiinə nu vəŋ, ŋkə loomə me.

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 3:27

Faŋ ŋkə lùu nɨniŋ nə, sii kaꞌ a baa kòꞌsə ŋwaa kɨkə? Kaꞌ nu məkoꞌsə ŋwaa kee baa lùu shɔ me. Nu wə loomə buꞌ kə? Luu buꞌ mənuŋsə ntɨsə Nwi mu? Bey. Luu buꞌ mənuŋ fwi maa Kristo, laa nu wə luu kəloomə vɨsɨ Nwi.

Roma 7:9

Nə luu maa yighee vɨsɨ, mə kee kɨ̀ɨ nə ntɨsə Nwi me. Ntɨsə sɔ́ kɨ jwi, nu bwə ndɔ yizɔ.

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 3:17

A gisə laa a lùu tɨɨ ka, baa gù mfuꞌ, kee bəə fa me. A kee bee kɨɨ laa a lùu mbəə faŋ ŋwə bə̀ə gəŋsə nə mənɔŋ-bwaŋnə Nwi me. A luu wuu sɨ fɨsə, baa lùu nə ntɨŋ.