Lukas 14:23 - Vengo (Babungo)

²³ Tɨɨ fu ghɔ́ gi tɨ́ ŋwə laa ŋwə gə fùu fɨ taa shɨ, gə̀ taa jɨɨsə kwalə nə mbɔꞌsə jɨɨ, tìi vɨɨ mbɨə faŋ vəŋ shɔɔ fɨ fuŋ. «Bàw a dɔɔ vɨɨ laa vəŋ jwi, tɨ́ kaꞌ ŋii nyaa lwaŋ.»

Lukas 14:23 ပူးပေါင်းရင်းမြစ်များ

Matiu 21:43

Nɨniŋ, mə naysə tɨ́ viŋ laa, vɨ ndɔ fi nu yifwàŋ Nwi fɨ ghɔ viŋ, kɔ̀ tɨ́ vətɔŋ faŋ vəŋ ndɔ yɨ nu ŋkɨə faŋ Nwi kəə. [

Matiu 5:41

Kɨ luu wə dɔɔ ghɔ laa (a shaꞌ fa,) viŋ ŋwə toꞌ kilomita muꞌ, bàw a gə, viŋ ŋwə toꞌ vəkilomita vəbɔɔ.

Lukas 14:22

Wuu faꞌ ghɔ́ gə yɨ̀ nɨniŋ, baa bə̀ŋ jwì, nàysə tɨ́ ŋwə laa, «Tɨta, mə gə̀ yɨ̀sə vənu mbɨə faŋ a gì nə. Luu nə, shəŋ məduꞌnə kɨ bii.»

Lukas 14:24

Viŋ zɔ! Mə gi tɨ́ viŋ laa tuu ŋkee wə muꞌ fɨ taa ŋwaa vɨɨ mbɨə faŋ mə nə fɔŋ shòꞌ vəŋ nə, kee ndɔ zɨ yitianə nyaa me.»

Lukas 24:29

Vəŋ buꞌ ghɔ tɨ́ ŋwə dɨdɨꞌ laa ghɔ vɨ vəŋ shi, buꞌ laa yighee duꞌtə nyə shɔ̀ɔ, fu kɨ nii fɨfəŋ. Nɨniŋ, ŋwə gə laa ghɔ vɨ vəŋ shi.

Akts 16:15

Yighee njyə faŋ wəzwi ghɔ́ nə vɨɨ ŋiinə vi nə fì muu mə Nwi, ŋwə kɨ nii tìi Pɔɔl ghɔ vɨ vɨɨ vi, laa vəŋ jwi shì taa ŋii ŋwə, faŋ vəŋ bìŋ yinsəŋ laa yi lùu wuu məbiŋ Nwi nə. Wəzwi ghɔ́ dɔɔ vəŋ, vəŋ biŋ.

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

Akts 28:28

Nɨniŋ, bàw laa viŋ kɨɨ laa Nwi tɔ̀ŋ nu məbweysə vɨɨ kɔ́, kɔ̀ tɨ́ vɨɨ faŋ kee lùu vɨɨ Jus me, vəŋ zɔ.» [

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Roma 10:18

Luu nə, mə bìtə laa vəŋ nə kee yizɔ yimu? - Ɔŋ, vəŋ nə zɔ̀! Maa ŋkə lùu taa ŋwaꞌlə Nwi laa, «Gɨ vəŋ nə fùu, fì nsi yinshə, yigisə vəŋ ziꞌ maa vəndwəsə və shɨ nsi.»

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.