15 Wə muꞌ fɨ taa ŋwaa vɨɨ vɔ́, faŋ ghɔ vɨ vəŋ nə dùꞌ mɔ́ꞌ kɨ zɨ nə, zɔ nu kɔ́, gì laa, «Mənɔŋ-bwaŋnə tɨ́ wə ntɨə faŋ ŋwə ndɔ ŋii nu yifwàŋ Nwi, zɨ̀ fazɨ fɨ fuŋ!»
Faŋ vəŋ nə gə̀ maa məywaŋ nə, wəndɔŋ məndaa ghɔ́ jwì, vɨɨ mbɨə faŋ vəŋ nə lòotə yiŋwaa vəŋ nə, ŋii taa ŋii yitianə yɔ́. Vɨ kɨ nii fə̀ŋ shuufɔ.
Mə baa luu naysə tɨ́ viŋ laa vɨɨ vəyaŋ ndɔ ndɔ̀ fɨ ntɔŋ-shɨshwi, nə fɨ mfiŋ-shɨshwi, jwì nɔ̀ŋ nsi ghɔ vətɨɨ vaŋ-nsiŋ Abraham nə Isak nə Jeykob maa yighee njyə faŋ nu yifwàŋ yizɔ ndɔ jwi, kɨ zɨ vətɔ.
Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.
Luu nə, vɨɨ ndɔ kɨ jwi fɨ ntɔŋ-shɨshwi, nə fɨ kwiŋ mfiŋ-shɨshwi, nə fɨ kwiŋ yikwi nə fɨ kwiŋ yitəŋ, jwi ŋii taa nu yifwàŋ Nwi, duꞌ nsi, zɨ vətɔ fɨ fuŋ.
Mə naysə tɨ́ viŋ laa mə ndɔ kee baa zɨ Pasa me, gə kɔ tɨ́ yighee njyə faŋ Nwi ndɔ lesə ŋiꞌ ki taa nu yifwàŋ ki.»
Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»
Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»