Lukas 12:37 - Vengo (Babungo)

³⁷ Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.

Lukas 12:37 ပူးပေါင်းရင်းမြစ်များ

Matiu 24:42

Nɨniŋ, viŋ kɨ shi nə yikɨꞌ, buꞌ laa viŋ kee kɨɨ nə shi ŋkɨə faŋ Tɨta wiŋ ndɔ jwi shɔ nə me.

Lukas 12:36

Bàw viŋ lùu yaa vɨɨ faŋ vəŋ kɨꞌ tɨɨ vəŋ, faŋ ŋwə gə̀ fɔ məndaa, laa ŋwə taa kɨ bəŋ, kɨ buꞌtə shuu ŋii, vɨ ŋaꞌsə tɨ́ ŋwə yighee muꞌ.

Lukas 12:43

Mənɔŋ-bwaŋnə tɨ́ wuu faꞌ ŋgwə faŋ tɨɨ faꞌ wi kɨ jwi, ye ŋwə, ŋwə nə yɨ̀sə nɨniŋ.

Lukas 17:8

Maa wə bee kii gì tɨ́ buꞌ wi laa ŋwə naysə fazɨ, lòotə ŋwaa wi, jwì kɔ̀ tɨ́ yi, yi zɨ, ndɔ nu, buu nshɨ-tɔ buꞌ ghɔ́ zɨ, ndɔ nù nɨzi.

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 22:27

Sii kwalə ndə? Kwalə wə ntɨə faŋ ŋwə duꞌ nsi, kɨ zɨ mu, mu lùu wə ntɨə faŋ ŋwə faꞌ tɨ́ vɨɨ? Maa lùu wə ntɨə faŋ ŋwə duꞌ nsi, kɨ zɨ. Lùu faŋ ŋkə lùu taa mbi. Gə fɨ maa nsiŋ, ŋkə kee lùu nɨniŋ me. Mə lùu taa ŋwaa viŋ yaa wuu faꞌ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

1 Kɔrintian 2:9

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

Filipi 1:21

Gə fɨ maa mə, kɨ luu mə kee mè me, buu mə bwèy lùu tɨ́ Kristo; kɨ luu mə ku, buu mə taa sey fɨ fuŋ.

Filipi 1:23

Vənu vɔ́ gàasə mə vəway vəbɔɔ. Nu ŋkɨə faŋ kaꞌ ŋkə bàw shee, lùu laa mə ku, gə̀ yɨ Kristo, buꞌ laa lùu nu faŋ ŋkə bàw shɔ̀ɔ vənu vənshə.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

Reveleyshən 14:13

Mə baa kɨ nii zɔ gɨ wə gi fɨ yizɔ laa, «Nyɔꞌ taa ŋwaꞌlə laa, shù ndee mənɔŋ-bwaŋnə lùu tɨ́ vɨɨ mbɨə faŋ vəŋ taa kɨ ku taa ghɔ tɨta Kristo. Zwitə Nwi gì laa lùu nɨniŋ. Vəŋ taa kɨ shəŋ ŋwaa, buꞌ faꞌ ŋgwə faŋ vəŋ nə faꞌ nə wutə nə. Lumə vəfaꞌ vəvəŋ beꞌsə vəŋ.»

Reveleyshən 16:15

Viŋ kɨ lumə yigi Kristo faŋ ŋwə nə gì laa lee, «Viŋ zɔ! Mə ndɔ jwi maa yighee faŋ wə kee yikɨɨ me, sheꞌ yaa ndɔꞌ. Mənɔŋ-bwaŋnə tɨ́ wə ntɨə faŋ ŋwə shi nə yikɨꞌ, shìŋnə njwi si laa kɨ ŋwə ndɔ toꞌ nə ntɨŋ, tɔ ki dɨɨ taa ŋwaa vɨɨ me.»

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 7:17

Lùu nɨniŋ buꞌ laa bi-njɨɨ yɔ́, faŋ ŋwə lùu nɨntəŋ kenə kɔ́ nə, taa kɨ shiinə vəŋ, ndì vəŋ, gə̀ nə vəŋ yɨ koꞌ-fɨ-nsi faŋ muu mə məbwey fùu fɨ fuŋ. Nwi baa tɔ̀ŋsə mənsɨ fɨ sɨ vəŋ laylay.»