Lukas 12:33 - Vengo (Babungo)

³³ (Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 12:33 ပူးပေါင်းရင်းမြစ်များ

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Lukas 12:21

Lùu nu ŋkɨə faŋ ŋkə gay maa wə tɨ̀ me wə faŋ ŋwə yaa kɨ baytə vətɔ vəyaŋ, fwi yi kee kɨ luu maa Nwi me.»

Lukas 16:9

Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:6

Faŋ ŋwə nə gì nɨniŋ nə, kee gi buꞌ mbəəsə faŋ ŋwə kee gəŋsə vəŋ me. Ŋwə nə gì nɨniŋ, buꞌ laa ŋwə nə luu ndɔꞌ. Ŋwaꞌ ka vəŋ nəə toꞌ fɨ ghɔ ŋwə nɨzi, ŋwə yaa kɨ fuusə fɨ fuŋ, faŋ wə kee yikɨɨ me.

Akts 2:45

Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

2 Kɔrintian 8:2

Faŋ Nwi nə kɔlə mɔ̀ŋ vəŋ maa ŋɨꞌ yiyaŋ, vəŋ ŋaytə shɔ̀ɔ ki, bàytə vətɔ vəyaŋ maa məkɔ, kɔ nə fwi yimuꞌ, faŋ vəŋ kɔlə kee kìi vətɔ me.