Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:5 - Vengo (Babungo)

⁵ Yighee njyə faŋ mə kɨ bii taa mbi nyə̀, mə lùu məley taa mbi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:5 ပူးပေါင်းရင်းမြစ်များ

Matiu 4:16

Vɨɨ vɔ́ faŋ vəŋ nə dùꞌ taa mfiŋsə, ye ŋkee məley kwalə. Vɨɨ mbɨə faŋ vəŋ nə dùꞌ maa shəŋ yiku, faŋ ndɨŋlə yiku nə shitə vəŋ nə, vəŋ dùꞌ, məley fuu shitə vəŋ.»

Matiu 5:14

Viŋ lùu kiꞌ taa mbi. Ntɨꞌ yimɔ́ꞌ faŋ nyə lùu fuu kweꞌ, kaꞌ nyə kee ndenə me.

Lukas 2:32

Wee ŋwə̀ lùu yaa kiꞌ faŋ ŋwə də jɨɨ tɨ́ vɨɨ tətɔŋ fu, laa vəŋ ndɔ kɨɨ nə Nwi. Ŋwə ndɔ baa yɨsə vɨ bəŋsə vɨɨ Isirayl, faŋ lùu vɨɨ və nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Akts 13:47

Yia yɨ̀ nɨniŋ buꞌ laa tɨta Nwi nə gì laa, «Mə nùŋ ghɔ yaa kiꞌ tɨ́ vɨɨ tətɔŋ fu, laa a taa də jɨɨ məbwey vəlwaŋ tɨ́ vəŋ, gə kɔ maa vəndwə və mbi.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 26:23

Vəŋ nə duꞌtə vəŋ naysə laa Kristo, wuu məbweysə vɨɨ, ŋgwə faŋ Nwi kɔ̀ꞌnə nə, ndɔ ye ŋɨꞌ, baa luu mfɔŋ wə maa məywey fɨ shɨ yiku, kɨ fɨꞌtə nu məley Nwi tɨ́ ŋgwisə nyaa-nsiŋ nə tɨ́ vɨɨ tɔmə day, laa sɨ vəŋ ley.»

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Reveleyshən 21:23

Shɨ kɔ́ kee baa kəə shɨshwi, tɨꞌnə me ŋuu, maa məbee me, buꞌ laa feenə Nwi bee shɔ. Bi-njɨɨ yɔ́ luu kiꞌ wi.